Page 59 - Сергей Васильев. Өлбөт өрөгөй
P. 59
Дэриэбинэ уһугар
Тиийэн кэллэ.
Эдэрдэр, эр дьоннор
Илиилэригэр саа ыланнар
Өстөөбү кытта
Өлөрсө хааллылар,
Уотунан кулаһан
Охсуһа киирдилэр.
Уһун уостаах
Улахан пушкалар
Төлөннөөх болгуонан
Төлүтэ сөтөлүннүлэр-
Биирдии айахтаах
Пулемет саалар
Итии буулдьанан
Иннилэрин эрбээтилэр.
Өстөөх,
Үгүс таикатын
Үлтүрүттэрэн туран,
Кыама суох сэриитин
Кыдыттаран туран,
Дэриэбинэ иһигэр
Тнгинээн киирдэ.
Төбөтүттэн атаҕар дылы
Түүнүк курдук дьүһүннээх
Фашист саллааттара
Бары муннугунан барыҥнастылар,
Ампаардары алдьатан
Арҕара сүүрдүлэр,
Дьааһыктары аһан
Таһырльа состулар.
Аан аайы
Арыыскай саллаат быластаата,
Көньүүһүнэ иһигэр
53
