Page 57 - Сергей Васильев. Өлбөт өрөгөй
P. 57
Улуу киэҥ сыһыы.
Айгыр налыр киистэлээх
Аарыма
Арыы дууп ойуур.
Субуруччу кэккэлээбит
Соломо кырыысалаах
Сул маҥан хааталар,
Ара^ас оппуохалаах
Арбаг,ар сарайдар.
Тусаһа иһигэр
Туорахтаах отонунан
Тула өртүн симэммит
Налыр мамчы лабаалаах
Наҥнаҕар талахтар.
Кирээдэ таһыгар
Киистэлээх отонунаи
Кэдирги тартарбыт
Кэрискэ үөт мастар.
Ол
Көстөр мутуктарга
Көлүөс чыычаах ыалдьыттаан
Көтө-көтө төннөрө.
Сол турар талахтарга
Соловей чыычаах тохтоон
Сулугуруу көтөрө.
Күөх сэбирдэҕи быыһынан
Күндү чыычаах ырыата
Көмүс аалыытын курлук
Күүгүнүү тохторо;
Араҕас отону быыһынан
Араас чыычаах ырыата
Алтан аалыытын курдук
Атыгыраан таргыыра.
