Page 67 - Сергей Васильев. Өлбөт өрөгөй
P. 67
Элгээн саҕаларынан
Элбээн, иэримэ дьиэлэнэн испитэ,
Үрэх хочолорунан
Үксээн, үвр сүөһүлэнэн барбыта.
Кини
Ыраахтааҕы ыар кытаҕаһыгар
Ытыттардар даҕаны,
Сибиниэс буулдьа толонугар
Сиҥнэһиннэр даҕаны,
«Тыллан үөскээн иһэр
Тыйыс сахабын» дэнэн,
Эрдээх санааланан
Иннинэн дьулуруйан испитэ,
Кэскиллээх ыраланан
Киэҥ хардыыланан барбыта.
Кини
Баараҕай нууччалыын бараалаһан
Баттал сиһин тоһутуспута,
Өктөөп күнүгэр өрөгөйдөһөн
Үтүө көҥүлгэ кыттыспыта.
Кини
«Саргы дьаалы салалыннын!» диэн,
«Саха норуота барҕардын!» диэн,
Дьэрэкээннээх хоһоонун
Дьиэрэлдьиччи ыллаабыта,
Кылааннаах хотуурун
Кылбаарыччы сытыылаабыта.
Хотун Өлүөнэ
Ходьох гынан,
Хоммут мууһун
Хоҥнору тэбэн,
Хоту диэки
Холкутук суккуйбута,
61
