Page 49 - Иван Мигалкин Аныыбын иһирэх иэйиибин
P. 49
ИЙЭБЭР
Атаҕым сири билбэт буола -
Кынаттаах курдук уйдаран
Улаханнык үөрэн кэллэхпинэ,
Олох олоруу кэрэтин
Эт-хааммынан биллэхпинэ,
Суруйбут хоһоонум хаһыакка
Күн сырдыгын көрдөҕүнэ -
Миигинниин ийэм үөрсэр,
Үөрүүбүн тутум үрдэтэр...
Былыттаах халлаанныы
Санаам саппаҕыран,
Ас да киирбэт, уум да кэлбэт
Чэки-курус киэһэлэрбэр -
Ийэм эрэ миигин өйдүүр,
Кини саҥата суох -
Санаабын аралдьытар,
Үлэлээн букунайа -
Дууһабын уоскутар,
Тапталынан, итэҕэлинэн -
Сүрэхпэр эрэли угар.
От ыйын 24 күнэ, 1982 сыл.
47
