Page 53 - Иван Мигалкин Аныыбын иһирэх иэйиибин
P. 53
£Л £< зкС)
ЭН М И Ч ЭЭР Э КӨРДӨХХҮН Э
Эн мичээрэ көрдөххүнэ -
тохсунньу ый тымныыта
сымныыр,
сарсыардааҥҥы нуурал чуумпуга
сэмэй тыалтан
сэбирдэхтэринэн
суугунаһар кыыс хатыҥнар
сайаҕас ырыаларын
сэргэхсийэ истэр курдукпун,
сайын үтүө үгэнигэр
сөрүүкүү олорордуу
сананабын...
Эн мичээрэ көрдөххүнэ -
Ийэ сиргэ дьол эрэ
дьиэрэҥкэй тэбэн
үҥкүүлүүрүн курдук,
киэҥ да алаастыын
нарыннык куустуспут
дьэрэкээн кустук
харахпар оонньуур...
Эн мичээрэ көрдөххүнэ -
бары барыта уларыйар,
улуу художник
кэрэ хартыыната
дууһабар арыллар...
03.01.83.
