Page 7 - Иван Мигалкин Аныыбын иһирэх иэйиибин

КЭРЭҔЭ СҮГҮРҮЙҮҮ -
КҮНҤЭ ТАРДЫҺЫЫ

"Улахан буукубаттан суруллар - Дьахтар ытык аа-
тыгар таптаан сүгүрүйүү - бу эр киһи күүһүн уонна
итэҕэлин бэлиэтэ, олох күөххэ уонна күкнэ тарды-
стыыта."
Иван Мигалкин
Саха Өрөспүүбүлүкэтин Суруйааччыларын сойууһун
председателэ, Саха Өрөспүүбүлүкэтин культуратын үтүөлээх
үлэһитэ, Уус Алдан, Нам уонна Үөһээ Бүлүү улуустарын бо-
чуоттаах гражданина, Саха Өрөспүүбүлүкэтин Президенин
Амма Аччыгыйын аатынан бириэмийэтин бастакы лауреата,
С. Есенин кыһыл көмүс уонна Н. Гумилев Улахан үрүҥ көмүс
мэтээллэрдээх Иван Васильевич Мигалкин "Аныыбын иһирэх
иэйиибин" диэн кинигэтин арыйан аахтаххытына, "Күн буо-
лан сылыйыы, Ый буолан сырдааһын - Таптал талаана,
таптал кута" диэн поэт бэйэтин этиитин сырдык сүүрээнэ
сүрэххитигэр тиийиэ диэн эрэнэбин.
Саха Өрөспүүбүлүкэтин норуодунай поэта Иван Мигалкин
айымньыларын биир сүрүн тиэмэтэ - дьахтары хоһуйуу, ки-
ниэхэ сүгүрүйүү, ийэни өрө тутуу буолар. Кини 050 сааһыгар
аҕата, учуутал идэлээх В.Н. Мигалкин олохтон эрдэ туораан,
ийэтэ уон икки оҕотун соҕотоҕун ииппитэ, үөрэттэрбитэ, дьон
оҥортообута. Уус Алдан улууһун биир төрүт-уус маанылаах
ыаллара Мигалкиннар оҕолоро бары үөрэхтээх, идэлээх,
бастыҥнар ахсааннарыгар сылдьар дьон буоллулар: 12 биир-
гэ төрөөбүттэриттэн биэһэ - кыыс, сэттэтэ уол. Биир народнай
поэт, икки наука кандидаттара, академик, биэс киһи -учуутал
идэлээх. Бары олоххо миэстэлэрин булан, ыал-күүс буолбут
дьон. Екатерина Ивановна уонна Василий Николаевич Ми-
галкиннар саха норуотун историятыгар дьоһуннаах миэстэ-
ни ылар дьону төрөтөн, иитэн таһаарбыттара. Иван Мигал-
кин хоһоонноругар кыыска, эдьиийгэ сыһыан дьиэ кэргэнтэн
иитиллэн тахсыбытын көрөбүт:

Элбэх оҕолоох саха ыалыгар
Эдьиийдэр ийэҕэ тэҥнээхтэр,
Кинилэр нарын санныларыгар
Кыралары иитиһии сүктэриллэр.

5