Page 8 - Иван Мигалкин Аныыбын иһирэх иэйиибин

Кыра саастарыттан үтүөҕэ, сылаас сыһыаҥҥа ииппит ийэ-
тин сайаҕас куолаһа, поэт буолуохтаах уолун сүрэҕэр ырыа
буолан иҥпитэ:
Ийэкээм, эн куолаһыҥ - 050 сааспыттан
ырыа буолан тымырдарбынан
сүүрбүтэ,
сүрэхпэр иҥпитэ...
"Сахам кыргыттара - ырыам туллуктара" диэн кынаттаах
тылларынан саҕалаан, Иван Мигалкин эдэр сааһыттан айар
талаана арыллыбыта:
Сахам кыргыттара -
Ырыам туллуктара,
Хара саһыл хойуу хааскыт
Иэйэн хамсыыр буолан,
Түлэй хара түүннэр
Сахабыт сиригэр сырдыктар.

Маҥнайгы хоһооннор кыыс кэрэтигэр, нарыныгар туһу-
ланаллар: кыыс сайылык сардаанатыгар, алаас чээл күөҕэр
тэҥнэнэр. Ол гынан баран, бүппэт түбүктээх ийэни санатар
истиҥ санаа ордук тардар:
Саха кыыһын
Өйдөөн көрдөххө -
Номоҕон ийэ
Бүппэт түбүгүн санатар
Истиҥ санаа,
Үтүө сыһыан
Чугаһын билэҕин.
Иван Мигалкин тапталын уобараһа ньургуһуҥҥа, кыталык-
тар үҥкүүлэригэр, күөрэгэйдэр ырыаларыгар атылыы. Поэт
чараас сүрэҕэ тапталга, кэрэҕэ, сырдыкка аһаҕас буолан,
истиҥ иэйиилээх хоһоон суруллар. Уонна сурулла илик ырыа
буолан, дууһаны өрүкүтэр. Таптал баар - хоһоон, ырыа баар.
"Таптыыр дьоҕуру сүтэрии - бу сорсуйуу" - диэн поэт бэйэтэ
этэр:
Тапталтан муҥнаныы -
Суруллубут уонна сурулла илик
Сүүһүнэн ырыа...