Page 10 - Иван Мигалкин Аныыбын иһирэх иэйиибин

Ийэккэм турар, күүтэр,
Сайаҕастык туттаахтаан.
Иван Мигалкин: "Дьиэ кэргэниҥ - тыыннаах сылдьарык
тухары тыынар салгыныҥ, олоххо тардыстар утаҕыҥ," - диэн
этиитэ киһи олоххо аналын чопчулаан биэрэр. Дьиэ кэргэн
тутааҕа - ыал ийэтэ Иван Мигалкин хоһоонноругар биир
сүрүн миэстэни ылар. Холобура:

Оҕоттон дьоллонуу диэн тугун
Биллэҕим аайытын олуһун,
Миэхэҕэ эн тутум үрдүүгүн,
Төлөммөт иэстээхпин өйдүүбүн.
- диэн кэргэнигэр анаммыт хоһоон строкалара, махтал тылы-
нан илгийэллэр, ийэ, кэргэн оруолун үрдэтэллэр.
Дьиэ кэргэн олоҕун арыаллыыр истиҥТапталы ханнык да
халыҥ харчы, баай-дуол солбуйбатын поэт ис сүрэҕиттэн би-
линэр:

Кэргэним мичээрэ көрбүт харахтара -
Ханнык да эмтэн күүстээх миэхэҕэ.
Манныгы атыыласпаккын халыҥ харчыга,
Кини ананар - сүрэхтэн саҕыллар тапталга.

Ийэ, тапталлаах кэргэн алаһа дьиэ аал уотун
араҥаччылааччы, илгэлээх тыыннааччы буолар:

Олоҕум доҕоро аттыбар сырыттаҕына -
Оһоҕум уота тачыгыраччы умайар,
Илгэлээх кыымынан тыыннанар.
Иван Мигалкин, бэйэтэ билинэринии, олоҕу күүстээх Тап-
талынан таптыыр, олоҕу Таҥара бэлэҕинэн ааҕар буолан,
кини айымньылара киһини тардар, долгутар, ытатар, ылла-
тар, кэскиллээх санааны саҕар күүстээхтэр.

Галина Фролова,
Саха Өрөспүүбүлүкэтин
Суруйааччыларын сойууһун бэрэссэдээтэлин
солбуйааччы, бэйиэт.