Page 170 - Иван Мигалкин Күн таммаҕын ыһыспыт дьылҕалар

сүн үөрэтэр кылааспар, эбэтэр мастерской, биитэр лабо-
рантскай кабинеттарга дугуйданарым...) Мин эбии ыксаа-
тым. Хата, Ия Петровна холку киһи буолан биэрдэ. Мин
долгуйан, көлөһүн тахсыбыт сүүспүн көрөн аһыннаҕа буо-
луо, намыын, холку куолаһынан:
— Туохха ыҥыттарбыппын Александра Захаровна эттэ
ини. Хоһоонуҥ бу баар. Киэһэ хойутаабакка, чаас аҥарын
инниттэн кулуупка кэлээр. Чэ, үчүгэйдик ааҕаар.
Сергей Васильев курдук улахан поэты кытта көрсүһүүгэ
хоһоон ааҕар чиэс тиксибитин, тоҕо миэхэ сорудахтаа-
быттарын улаатан баран санаатахпына, ити эрэ иннинэ,
Саха сирин пионердарын делегата буоламмын Бүтүн Со-
юзтааҕы III пионерскай слекка Артек лааҕырга сылдьан
кэлбитим төрүөтүнэн буоллаҕа. Дьиҥэр, биһиги кылааска
биир чаҕылхай үөрэнээччи баара, кэлин наука доктора,
республика үөрэҕин министрэ буолбут Гоша Жирков.
Оччолорго мин, суруйааччы эбэтэр поэт диэннэрин
хаһан да харахтаабатах киһи, Сергей Васильевы адьас
чугастан көрөр инниттэн, киниэхэ анаан ааҕыллыахтаах
биэрбит сахалыы хоһооннорун, уруок бүтэн дьиэбэр кэ-
лэн (балачча уһун этэ) нойосуус үөрэтэн кэбиспитим.
Эппит кэмнэригэр, балачча эрдэ соҕус оройуоннааҕы
кулуупка тиийбитим, оҕотук санаабар аатырбыт артис-
тар таҥастарын устар хосторугар хайы-үйэ араас бил-
бэт, мааны баҕайы таҥастаах-саптаах дьон баар буолбут
этилэр. Кимтэн эрэ ыйыппыппар поэт Сергей Васильевы
ыйан көрдөрдө. Кини аттыгар эмиэ мааны бэйэлээх киһи,
поэт Иннокентий Артамонов турара.
Поэкка аналлаах дакылааты саха тылын үтүөкэн про-
пагандиһа, Уус-Алдаҥҥа ытыктанар учууталлартан биир-
дэстэрэ Николай Данилович Бурцев оҥорбута. Элбэх дьон
поэты 60 сааһынан итиитик-истиҥник эҕэрдэлээбитэ. Он-
тон үөрэнээччилэр ааттарыттан тылы миэхэ биэрбиттэрэ.
Трибунаҕа тахсаммын (президиум остуолугар поэттан чу-
гас соҕус олорбутум) биэрбит хоһооннорун нойосуус аах-
пытым, сэрэххэ дии санаан хоһооммун иннибэр уурунан,
ол эрэн текспин көрбөтөҕүм. Сити кэнниттэн, миэстэбэр
олоруох курдук буолан истэхпинэ, Сергей Степанович
миигинниин илии тутуспута, баһыыбалаабыта, хоһоонноох
кумааҕыбын ылан хаалбыта. Дьэ, онно улаханнык да кы-
быстыбытым. Ыксаабытым... Хайа икки ардыгар эбитэ буол-
ла, хас да сиринэн бүк тутуллан кумааҕым номнуо кир-
тийэн, эбиитин, “ханна эрэ тэп диэбиттэрин” курдук, биэ-
чэргэ кэлиэм эрэ иннинэ куобах сиэбитим ол арыыта-сыа-
та тохто охсубут этэ.
Биэчэр түмүгэр Сергей Степанович бэйэтэ тыл эппитэ,
№ 166