Page 168 - Иван Мигалкин Күн таммаҕын ыһыспыт дьылҕалар

тар буоллуҥ да, кини биир дойдулааҕа, эмиэ хоһоон су-
руйар идэлээх Николай Михайлович Черемкин-Момскайы
өйдүү-саныы түһэҕин. Кэлбит саҥа специалистар олохто-
ругар-дьаһахтарыгар Николай Михайлович өр сылларга
нэһилиэк Советын председателинэн үлэлээбит буолан,
көмөтө элбэҕэ.
Толомоҥҥо биир маннык интэриэһинэй хоһоон баар:
Поэттар сымара таастан,
Бэл, сулустары саҕаллар,
Өрүкүйүү уот кутаатынан
Сүрэххэ ыстаалы уһаараллар..

Оттон мин ыра санаам
Дабыдалыгар уйдаран,
Арыт түүн түһээн,
Тунал ыйдаҥанан суунан,
Алааспыттан кынаттанан
Космоска ыттабын,
Ийэ сирбин эргийэ көтөбүн.

Баҕарабын, үөрүнньэҥ санаабар,
Сулустары чөмчүүк таастыы
Ытыһан ылыахпын уонна
Кыргыттарга, Эһиэхэ,
Дьол, үөрүү сибэккилэрин —
Таптал тырымын ыһыахпын...
Баҕарабын өрүүтүн
Бу маннык көтүөхпүн,
Иитиллибит Ийэ сирбэр
Ил-эйэ туругурдун диэн
Үйэлэр уохтаах утахтарын
Сардаҥаны уонна тапталы кутуохпун.
“Дьол, үөрүү сибэккилэрин — таптал тырымын ыһан”
поэт Тихон Толомон олорон ааспыта. Кини төрөөбүт Муо-
матын дьонугар сырдык санааттан үөрүү кыымын бэйэтин
хоһооннорунан хаалларбыта. Ол кыым дууһа, сүрэх аайы-
тын сириэдийэ сырдаан күөдьүйүө, хаһан да умуллуо,
умнуллуо суоҕа дии саныыгын...
1996

ОЛОҔУ ИСТИҤНИК ТУОЙАН

1967 сыл, балаҕан ыйын 29 күнэ... Мин кинини аан бас-
таан уонна тиһэх көрүүм... Төһө да кылгаһын иһин, сорох

164