Page 173 - Иван Мигалкин Күн таммаҕын ыһыспыт дьылҕалар

дук, астыныа суоҕа, маннык түбэлтэҕэ күлүктэтээччибин,
тылым-өһүм тахсааччыта суох, кэнэнник иитиллибитим
таайа турааччы. Атын өттүнэн, юбилей аата юбилей, ки-
һибин үрдэ суох хайҕыах тустаахпын, олохсуйбут үгэс
оннук. Оттон Сергей Степанович сэмэй, нүһэр да соҕус
киһи маны сөбүлүө дуо, хайдах эрэ ортотунан оломноо-
тоххо табыллар, ол кыаллыа дуо — итинник мунаах-
сыйа-мунаахсыйа, дакылааппар бэлэмнэнним. Баҕар, мух-
мах бара туруом диэн, ис хоһоонун олоччу суруннум.
Суотту кулуубугар олохтоохтор эдэр, кырдьаҕас
бүтүннүү кэлбиттэрэ. Кулууп хайдарынан киһи. Сергей
Степановиһы кытта кэргэнэ Анна, кыыһа Светлана, саха
биллиилээх прозаига А.С.Сыромятникова, поэт И.И.Арта-
монов бааллара. Дакылааппын оҥордум. Биэчэр кэнниттэн
Сергей Степанович илии тутуспута, үчүгэйдик оҥордуҥ
диэн санаабын көтөхпүтэ. Дьиҥинэн, туох үчүгэйэ кэлиэй.
Кини кыра да үтүөнү таба көрөр, киһини үрдэтэрин
сөбүлүүр этэ. Ити түбэлтэни билиҥҥэ диэри умнубаппын.
Оройуон кулуубугар оҥорорбор, сылбаахы буолбут диэн,
дакылаатым кэлин өттүттэн кыратык сарбыйтарбыта. Суот-
туга, оройуон киинигэр даҕаны тэрээһин үчүгэй, киһи
кэлиитэ дэлэччи бөҕө этэ. “Сэргэй”, “Биһиги Сэргэйбит”
дэһэ-дэһэ, ордук аҕамсыйа барбыт дьон анаан кэлэн илии
тутуһаллара, үөрүүлэрин биллэрэллэрэ. Общественнай
деятель, поэт, публицист быһыытынан бар дьоно асты-
наллара, дириҥник ытыктыыллара чаҕылхайдык көстүбүтэ.
Бэйэтэ даҕаны үөрбүтэ, сүргэтэ көтөҕүллүбүтэ.
Сергей Степановиһы тиһэх төгүл, улаханнык ыалдьыан
эрэ иннинэ Дьокуускайга көрбүтүм. Дьүдэйбит, ыарыты-
йар чинчитэ биллэр курдуга, “Дьэ кырдьыы барда, тулу-
һуом дэнэрим да, мөлтөөн эрэбин” диэбитэ. Тыа олоҕун,
билэр дьонун сураспыта. Оттон миэхэ соһуччу санааны
эппитэ: “Бэрээдэк мөлтөөтө, үлэҕэ-хамнаска най барыы,
ыһыктыныы сүрдэннэ. Быстах дьаһалга бэриммэт буола
сатарыйдыбыт. Маны дьиҥнээхтик көннөрөргө аны биир
революция наада буолла”, — диэн. Үлэҕэ сыһыан мөл-
төөһүнүн, арыгылааһыны, хараҕы баайыыны, куорҕаллаа-
һыны, онтон да атын бөрөкүтэ суох өрүттэри, олору ута-
ры охсуһуу наадалааҕын киһи үксэ билэр, өйдүүр этэ.
Оттон революция наада буолла диэн этиини, кырдьыгы-
нан эттэххэ, мин оччотооҕуга кыайан өйдөөбөтөҕүм...
Сергей Степанович олоххо тахсар процесстары, ула-
рыйыылары, үчүгэйи, куһаҕаны диринник ырыҥалаан,
ырааҕы өтө көрбүтүн билигин улаханнык сөҕөбүн. Аны
итинник кичимэ санаатын миэхэ, баҕар, долоҕойугар тох-
тотуо диэн, итэҕэйэн, эппититтэн махтана саныыбын уон-
е» 169 «Э