Page 107 - Норуоттан тахсыбыт талаан

Киэн тутта учуутал аҕам эппит тыла
Умнуллубаттык хатаммыта оҕочоос өйбөр.
Сыллар-хонуктар субуллан аастылар —
Тэрэнтэй да, аҕам да билигин суохтар.
Кэлэр кэскили уһатан,
Ийэттэн төрүүллэр оҕолор,
Кэрэни тыынныыр туһуттан
Үлэттэн төрүүллэр үлэлэр...

II.
Мин киһи да быһыытынан,
Поэт буолуу үрдүк аналынан
Өрүү сүгүрүйүөм тыыннааҕым тухары
Саха былыргы муос, мас оҥоһуктарыгар,
Ааспыт олоҕу сэһэргиир кини ойууларыгар...

Дьиэрэҥкэй үҥкүүнү санаталлар
Сытыы быһаҕынан быһыллыбыт
Дьикти дьэрэкээн оһуордар,
Кинилэр сылаас иэйиини саҕаллар
Кустуктуун куустуспут алаас чараҥыныы,
Үөһэттэн кутуллар күөрэгэйдэр ырыаларыныы.

Кэпсэтэр курдуктар чорооннор,
Кытыйалар, матааччахтар
Сахалыы оһуохай тылларынан,
Оһуор-ойуу уран алгыһынан.

III.
Урууларга, ыһыахтарга уохтаах кымыһы
Үс атахтаах чорооҥҥо куттан
Өбүгэлэрбит иһэллэрэ
Олоҕу, тапталы, сырдык дьолу түстээн...
Үс атахтаах чорооҥҥо оһуор быһаллара
Үйэлэргэ ааттарын хаалларан
Алаас мындыр, улуу уустара.

Улуу уустар олохторо
Туманы кытта туман буолан,