Page 103 - Норуоттан тахсыбыт талаан

40 Уиһиттэн састааптаах национальнай хору Марк Николаевич
Жирков тэрийэн үлэлии сылдьар. Эн ол хорга киирэн кыттыыны
ылфыҥ буоллар, — диэбиттэрэ.
Этиини сөбүлүү истэммин Дьокуускайдаабытым. Ырыаһыт
кыаиан буолбатаҕым.
Аан бастаан муоһу илиибэр 1948 сыллаахха ылбытым. Маҥнай
уһун синньигэс муоһу аалан, быһаҕынан кыһан грим устар быһах
оҥорбутум. Онтукайбын бииргэ үлэлиир эдэр артыыс уолаттарым
көрөй бэркэ хайҕаабыттара. Оттон сорохтор мин оҥоһугум
буоларын итэҕэйбэтэхтэрэ даҕаны диэххэ сөп. Дьэ ол дьону
итэҕэтээри өссө ордук кыһаллан быһах оҥорон, ону дьоннорбор
бэлэхтээн, “Тэрэнтэй, муоһунан бэркэ үлэлииһиккин ээ”, —
дэттэрэн үөрбүтүм аҕай. Итинтэн ыла муоска бүргэһинэн хаһан,
дьон мэтириэттэрин оҥорор идэлэммитим. Холобур, А.М.Горькай,
В.И.Чапаев мэтириэттэрин куһаҕана суохтук муоска хаһан оҥор-
бутум. Оҥоһуктарым табыллан истэхтэрин аайы санаам көтөҕүл-
лэн, аны сиэппэр муос укта сылдьан, иллэҥ эрэ буолларбын наар
аалан арааһы оҥорорум үксээбитэ. Ити оҥоһуктары Саха театрын
кылаабынай худуоһунньуга Георгий Михайлович Туралысов бэлиэ-
тии көрөн хаста да хайҕаабыта уонна: “Тэрэнтэй, эн Худуоһун-
ньуктар союзтарыгар киир. Онно киирэргэ сөптөөх талааннаах
киһигин”, — диэбитэ. Кини сүбэтинэн 1948 сыллаахха Худуоһун-
ньуктар союзтарыгар киирбитим. Дьэ ол кэмтэн ыла муоспун
илиибиттэн араарбакка бүгүҥҥэ диэри сырыттаҕым.
Мин үлэлэрим барыта тыһыынчаҕа чугаһаатаҕа буолуо. Ити
үлэлэр араас дойдуларга тарҕанан, искусство фондатыгар киирди-
лэр: Швецияҕа, Чехословакияҕа, Канадаҕа, Америкаҕа, Венгрияҕа,
Румынияҕа уонна төрөөбүт дойдубут үгүс республикатыгар. Манна,
Саха сирин музейыгар да, элбэх үлэ баар.
Оҕолор айар үлэлэрин туһунан кэпсиир буоллахха маннык:
оскуолаҕа куруһуок тэрийэн, оҕолор дьоҕурдара хайдах арылларын
уонна сайдарын көрбүтүм. Улаатан эрэр үөрэнээччилэр билиигэ-
көрүүгэ тардыһаллара сүрдээх. Ол биһиги тэрийбит куруһуок-
путугар уолаттар, кыргыттар бэркэ үлүһүйэн дьарыктаммыттара.
Оҕолор уруһуйу, чочуйууну сөбүлүүр буоллулар да, кыһаллан
үлэлээччилэр. Холобур, сорох уолатгар кыра быһаҕы, удьурҕайы
сиэптэригэр укта сылдьан, сололоно түстэллэр эрэ кыһан,
кыҥастаһан барааччылар. Куруһуок чилиэннэрин дьулуурдаах
үлэлэрин түмүгэ бэрт сотору көстүбүтэ. Икки уол оҥоһуктара
Канадаҕа ыытыллыбыт быыстапкаҕа көрдөрүллүбүтэ. Уолаттар
медалынан уонна комсомол Киин Комитетын грамоталарынан
наҕараадаламмыттара. Кинилэр иккиэн олус үлэһит, дьулуурдаах
оҕолор, муоска ойуулуулларын таптыыллар.