Page 145 - Иван Мигалкин. Сүрэхтэн саҕыллар санаалар

Габышев «Эн биһикки олохпут» кинигэтин олус долгуйан аахпы-
тым, онтон ыла бу кинигэни төһөтө төхтүрүйэн аахпытым буолуой?
Аахтаҕым ахсын ордук кэрэтийэр, суруйааччыга истиҥ тап-
талым күүһүрэн иһэр. Ол аайы дьикти үчүгэй санаа ибир-сибир
долгуна хааммар сылаастык тарҕанар.
Суруйааччы ааҕааччытын долгутуута — бу ситиһиитэ, кыа-
йыыта, дьоҕура уонна дьоло. Кини ааҕааччытын дьиҥнээх Киһи
буоларга үөрэтиитэ — бу талаана. Николай Габышев оннук киһи,
оннук талааннаах суруйааччы быһыытынан биһиги сүрэхпитигэр
хааллаҕа!
Кини элбэх ахсааннаах кинигэлэриттэн аҥаардас биир «Эн
биһикки олохпут» кинигэтин да ылан көрдөххө, бу барыбыт оло-
ҕо, үөрүүтэ, таптала. Үтүө киһи, үтүө суруйааччы аатыгар истиҥ,
иһирэх тыллары этиэхпин эрэ баҕарабын.

1995 с., Тойон Мүрү алаас

ОЛОҔУ ИСТИҤНИК ТУОЙАН

1967 сыл балаҕан ыйын 29 күнэ... Мин кинини аан бастаан
уонна тиһэх көрүүм... Төһө да кылгаһын иһин, сорох ардыгар
олоххор хаһан да умнуллубат көрсүһүү баар буолар.
Биир дойдулаахпын, Саха сиригэр киэҥник биллибит чаҕыл-
хай талааннаах поэты, П. А. Ойуунускай аатынан Саха Республи-
катын Государственной бириэмийэтин лауреатын Сергей Степа­
нович Васильевы-Борогонскайы 13 саастаахпар Бүтүн Сойуус-
тааҕы «Артек» пионерскай лааҕыртан кэлэн баран, актыбыыс
пионер быһыытынан көрөн турардаахпын. Билигин да кини кы-
раһыабай дьүһүнүн, киһини тардар ис-киирбэх куолаһын, киртэн-
сыыстан тэйбит курдук ып-ыраас таҥаһын-сабын чуолкайдык өй-
дүүбүн. Онтон ол түбэлтэни кэпсиир буоллахха маннык:
— Мүрү орто оскуолатын VII «а» кылааһыгар үөрэнэ сырыт-
тахпына, классоводум, 50-с сыллартан Саха сиригэр олохсуйбут
бэрт үтүө майгылаах нуучча дьахтара Александра Захаровна Ан­
дросова, уһун перемена кэмигэр ыҥыран ылан, өрүү ыксаллаах
уонна тиэтэтэр куолаһынан өйдүүр-саныыр да толкуйу биэрбэк-
кэ, нууччалыы биир тыынынан кутан кэбиспитэ:
— Баанньа, өйдүүр инигин, эн билигин учительскайга баран
Ия Петровна Рыбкинаны (оскуола уонунан сылларга завуһа, кэ-
лин Российскай Федерация уонна Саха Республикатын оскуо-
141