Page 147 - Иван Мигалкин. Сүрэхтэн саҕыллар санаалар

итиитик-истиҥник эҕэрдэлээбитэ. Онтон үөрэнээччилэр аатта-
рыттан тылы миэхэ биэрбиттэрэ. Трибунаҕа тахсаммын (прези­
диум остуолугар поэттан чугас соҕус олорбутум) биэрбит хоһоон-
норун нойосуус аахпытым, сэрэххэ дии санаан хоһооммун ин-
нибэр уурунан, ол эрээри тиэкиспин көрбөтөҕүм. Сити кэнниттэн
миэстэбэр олоруох курдук буолан истэхпинэ, Сергей Степанович
миигинниин илии тутуспута, баһыыбалаабыта, хоһоонноох ку-
мааҕыбын ылан хаалбыта. Дьэ, онно улаханнык да кыбыстыбы-
тым. Ыксаабытым... Хайа икки ардыгар эбитэ буолла, хас да си-
ринэн бүк тутуллан кумааҕым номнуо киртийэн, эбиитин, «ханна
эрэ тэп» диэбиттэрин курдук, биэчэргэ кэлиэм эрэ иннинэ куобах
сиэбитим ол арыыта-сыата тохто охсубут этэ.
Биэчэр түмүгэр Сергей Степанович бэйэтэ тыл эппитэ, оро-
йуон салалтатыгар махтаммыта. Николай Данилович оҥорбут
дакылаатын сөбүлээтим диэбитэ. С.С. Васильевка аналлаах
литературнай киэһэттэн өйдөөн хаалбытым итинник. Ол иһин,
алтынньы 3 күнүгэр 1967 сыллаахха олохтоох «Ленинской тэ-
рийээччи» хаһыакка корреспондент Иннокентий Еремеев поэт
Сергей Васильев үбүлүөйүттэн «Ситэ, силигилии турдун!» диэн
репортаһыттан холобурдуубун:
«Бороҕон сэлиэнньэтин общественноһа балаҕан ыйын 29 кү-
нүгэр саха норуотун хагдарыйбат талааннаах, тапталлаах поэ-
тын, биир дойдулаахтарын Сергей Степанович Васильев 60 саа-
һа томтойо туолуутун үөрүүлээх быһыыга-майгыга бэлиэтээн
ааста.
Оройуоннааҕы культура дьиэтин киэҥ саалатыгар үбүлүөй-
дээх Сергей Васильев эдэр да, кырдьаҕас да ааҕааччылара, ис-
тиҥник ытыктыыр үөлээннээхтэрэ муһуннулар. Кинилэр поэт поэ­
зия үрдүк хайатын чыпчаалыгар 40 сыл устата тохтууру билбэккэ
дабайсыбыт киэҥ суолун уонна араас оройуоннарга үлэлээбит
үлэлэрин тустарынан учуутал Николай Данилович Бурцев оҥор-
бут киэҥ, чаҕылхай ис хоһоонноох дакылаатын астына иһит-
тилэр.
— Поэт Сергей Васильев бастакы сибэккилэрэ — хоһоонноро
1929 сыллаахтан арылыччы тыллан барбыттара. Ол кэмтэн ыла
поэт нууччалыы-сахалыы тылынан барыта 25 кинигэни бэчээт-
тэттэ, — диир дакылаатчыт.
— Ол кинигэлэр сырдык страницаларыгар аныгы олох кэрэ
кэскилин айхаллаабыт, аатырбыт «Арамаан артыала» диэн по-
эмата, эстибит эргэни, сандаарбыт саҥаны сайа туойан айхал­
лаабыт «Үөр сэттэ туруйата», аан ийэ дойдуну адьырҕа фашис-
тартан көмүскүүргэ ыҥырар, фроҥҥа сылдьар буойуттары эр
143