Page 150 - Иван Мигалкин. Сүрэхтэн саҕыллар санаалар

пыта. Оттон миэхэ соһуччу санааны эппитэ: «Бэрээдэк мел-
төөтө, үлэҕэ-хамнаска най барыы, ыһыктыныы сурдэннэ. Быстах
дьаһалга бэриммэт буола сатарыйдыбыт. Маны дьиҥнээхтик
көннөрөргө өссө биир революция наада буолла», — диэн. Үлэҕэ
сыһыан мөлтөөһүнүн, арыгылааһыны, хараҕы баайыыны, куор-
ҕаллааһыны, онтон да атын бөрүкүтэ суох өрүттэри, олору утары
охсуһуу наадалааҕын киһи үксэ билэр, өйдүүр эта. Оттон рево­
люция наада буолла диэн этиини, кырдьыгынан эттэххэ, мин оч-
чотооҕуга кыайан өйдөөбөтөҕүм...
Сергей Степанович олоххо тахсар процесстары, уларыйыы-
лары, үчүгэйи, куһаҕаны дириҥник ырыҥалаан, ырааҕы өтө көр-
бүтүн билигин улаханнык сөҕөбүн. Аны итинник кичимэ санаатын
миэхэ, баҕар, долоҕойугар тохтотуо диэн, итэҕэйэн эппититтэн
махтана саныыбын уонна кини бүгүҥҥү төрдүттэн уларыйыылар
кэмнэригэр тиийбэтэҕиттэн хомойобун.
Көстөрүн курдук, мин Сергей Степановиһы кытта элбэхтик
аалсыбатаҕым, ол быһыытынан ахтыым даҕаны аҕыйах, быстах
түгэннэринэн муҥурданна. Хас биирдии суруйааччы алаас кур­
дук диэччилэр. Алаас алааска тэҥэ суоҕунуу, суруйааччылар да
араастаахтар. Оннук эбит буоллаҕына, С.С. Васильев — күөх
сирэм үллүктүү үүнэр, өнөр оттоох-мастаах, көтөр бииһэ хойуутук
мустар киэҥ, дириҥ күөллээх, уйгулаах-быйаҥнаах улахан алаас.
Мин ол айгыр-силик алаас тыатын саҕатыгар киирэн, хойуу ла-
бааны силэйэн, биир хонноҕун барбах силэйэн эр көрдөҕүм.
Сергей Степановиһы кытта уһуннук бииргэ үлэлээбит, тус
дьылҕатыгар орооспут дьон өттүттэн боччумнаах ахтыылар, чин-
чийиилэр суруллан иһиэхтэрэ диэн эрэнэбин».
Кырдьаҕас учуутал, сэрии бэтэрээнэ Н.Д. Бурцев бу ахтыы-
тыттан да көрдөххө, Сергей Степанович Васильев — саха уһу-
луччулаах поэта диэн үрдүк ааты сүгэрин тэҥэ, киһи быһыытынан
ураты чаҕылхайын, кэлэр кэскили өтө көрбүт мындыр бөлүһүөк
буоларын эккинэн-хааҥҥынан өйдүүгүн.
Саха үгүс суруйааччыларын кытта билсиһэн бараммын, би­
лигин сааһыран иһэн өйдөөтөхпүнэ, ханнык баҕарар улахан
суруйааччы киһи быһыытынан аламаҕай, төрөөбүт норуотугар
кэрэни, үтүөнү эрэ баҕарар олус уйан дууһалаах, истиҥ-иһирэх
иэйиилээх буолар эбит.
«Сергей Васильевлыт ыраахтан истиҥник мичээрдээбитинэн
киирэн, үгэһинэн илиитин күөрэччи көтөҕөн: «Уруй буоллун!»
диэх этэ. Ол суох. Ол оннугар кини төлөннөөх айымньылара
төрөөбүт норуотун үтүмэн үгүс сылларга уруйдуу-айхаллыы сыл-
дьыахтара», — диэн В.А. Протодьяконов-Кулантай «Олох, дьол
146