Page 149 - Иван Мигалкин. Сүрэхтэн саҕыллар санаалар

поэта Сергей Васильев олоҕун үөрэтэргэ туох эмит көмөлөөх
буоллун диэммин киллэрдим, эбилик матырыйаал быһыытынан.
Оттон оччолорго дакылаат оҥорбут сэрии уонна педагоги-
ческай үлэ бэтэрээнэ Н.Д. Бурцев 79 саастаах ытык кырдьаҕас.
Кини билигин да Бороҕоҥҥо олорор, быйыл сайын «Умнуллубат
дьүһүннэр» диэн ахтыылар, ыстатыйалар кинигэтин «Бичик» на-
циональнай кинигэ кыһатыгар таһаартарда. Николай Данилович
ол кэм туһунан маннык ахтар: «1967 сыллаахха Сергей Степано­
вич 60 сааһа бэлиэтэнэр буолбута. Биэчэр икки сиргэ — Суотту-
га уонна оройуон киинигэр ыытыллыахтааҕа. Дакылаатчытынан
мин анаммытым. Ааспыт еттугэр суруйааччылар, биирдээн айым-
ньылар тустарынан дакылааттары син оҥорорум. Бу сырыыга
олуйтара санаабытым. Дакылааты Сергей Степанович бэйэтэ
баарыгар оҥоробун, ол миэхэ толлуулаах курдук, астыныа суо-
ҕа, маннык түбэлтэҕэ күлүктэтээччибин, тылым-өһүм тахсааччы-
та суох, кэнэнник иитиллибитим таайа турааччы. Атын өттүнэн
үбүлүөй аата үбүлүөй, киһибин үрдэ суох хайҕыах тустаахпын,
олохсуйбут үгэс оннук. Оттон Сергей Степанович сэмэй, нүһэр
да соҕус киһи маны сөбүлүө дуо, ортотунан оломноотоххо та-
быллар, ол кыаллыа дуо — итинник мунаахсыйа-мунаахсыйа,
дакылааппар бэлэмнэнним. Баҕар, мух-мах бара туруом диэн, ис
хоһоонун олоччу суруннум.
Суотту кулуубугар олохтоохтор эдэр, кырдьаҕас бүтүннүү кэл-
биттэрэ. Кулууп хайдарынан киһи. Сергей Степановиһы кыт-
та кэргэнэ Анна, кыыһа Светлана, саха биллиилээх прозаига
А. С. Сыромятникова, поэт И. И. Артамонов бааллара. Дакылаап-
пын оҥордум. Биэчэр кэнниттэн Сергей Степанович илии тутус-
пута, үчүгэйдик оҥордуҥ диэн санаабын көтөхпүтэ. Дьиҥинэн,
туох үчүгэйэ кэлиэй. Кини кыра да үтүөнү таба көрөр, киһини
үрдэтэрин сөбүлүүр этэ. Ити түбэлтэни билиҥҥэ диэри умнубап-
пын. Оройуон кулуубугар оҥорорбор, сылбаахы буолбут диэн,
дакылаатым кэлин өттүттэн кыратык сарбыйтарбыта. Суоттуга,
оройуон киинигэр даҕаны тэрээһин үчүгэй, киһи кэлиитэ дэлэччи
бөэө этэ. «Сэргэй», «Биһиги Сэргэйбит» дэһэ-дэһэ, ордук аҕам-
сыйа барбыт дьон анаан кэлэн илии тутуһаллара, үөрүүлэрин
биллэрэллэрэ. Общественнай деятель, поэт, публицист быһыы-
тынан бар дьоно астыналлара, дириҥник ытыктыыллара чаҕыл-
хайдык көстүбүтэ. Бэйэтэ даҕаны үөрбүтэ, сүргэтэ көтөҕүллүбүтэ.
Сергей Степановиһы тиһэх төгүл, улаханнык ыалдьыан эрэ
иннинэ Дьокуускайга көрбүтүм. Дьүдэйбит, ыарытыйар чинчитэ
биллэр курдуга, «Дьэ, кырдьыы барда, тулуһуом дэнэрим да,
мөлтөөн эрэбин», — диэбитэ. Тыа олоҕун, билэр дьонун сурас-
10-355 145