Page 160 - Иван Мигалкин. Сүрэхтэн саҕыллар санаалар

тыгар саха тылын учууталлара билиҥҥи кэмҥэ кыайан эппиэт-
тээбэт кыра таһымнаах бүтэрэллэрин эппиппэр, Георгий Проко­
пьевич сирэйдиин-харахтыын уларыйан миэхэ кыыһыра түспүтэ:
— Эн, эдэр киһи хайдаххын билбит суох, ол аҕыйах оннук
учуутал баар да эбит буоллаҕына, бүтүн Саха университетын
итинник тутах санаанан холуннарар сыыһа. Университет сай-
дыытыгар олохпун анаабыт киһибин. Эдэр киһи быһыытынан
быстах түмүктэри оҥортообот буол.
(Бэйэм тугу саныырбын эппиппэр буруйа суоҕунан ааҕынам-
мын, Георгий Прокопьевичка бырастыы гынарыгар көрдөспөтө-
ҕүм, төттөрүтүн, акаары санаабар, бэйэм улаханнык өһүргэмми-
тим. Ордук Леонид Андреевичка кыһыйбытым, кини мин кэпсиир
кэммэр, «Оннук, оннук, саха тылын учууталлара наһаа мөлтөх-
төр» дии олорбута. Ол бэйэтэ сүүс кыраадыс уларыйан, мии-
гин сэмэлээн барбыта.) Үөрэ-көтө сэһэргэһэ айаннаан испиппит
биирдэ суох буолан хаалбыта.
«Газик» иннигэр суоппары кытта сэргэстэһэ олорон испит
Николай Алексеевич кэннинэн эргиллэн, Георгий Прокопьевичка
туһаайан:
— Георгий Прокопьевич, Эн этэриҥ сөп, Уйбаан уолга өһүргэ-
нимэ, Москва саҕаттан билэр оҕом, тугу санаабытын уһаты-туора
толкуйдаан көрбөккө эрэ саҥаран былдьанааччы, оччолортон.
Уол эйигиттэн, кырдьаҕас киһиттэн, бырастыы гынаргар көрдө-
һүө дии саныыбын. Бу киэһэ Бороҕоҥҥо этэҥҥэ тиийдэрбит Сэр-
гэйбит биэчэригэр этэн-тыынан көрүөхпүт этэ буоллаба дии, —
диэн, массыынабыт иһэ үөрэ-көтө кэпсэтиинэн туола түспүтэ.
Бэйэм улаханнык сыыстарбыппын ис сүрэхпиттэн өйдөөм-
мүн, сарсыныгар Георгий Прокопьевичтан бырастыы гынарыгар
көрдөспүппэр, киһим сирэйдиин-харахтыын сымнаан, бырастыы
гынан баран, киэҥ көҕүстээх, дириҥ толкуйдаах буоларбар аҕа-
лыы албаабыта. Хом санаабаппын диэн үөрдүбүтэ.
Бу түбэлтэҕэ Николай Алексеевич Габышев суоҕа эбитэ буол-
лар, Башарин курдук улуу киһини үйэ-саас тухары хомотуохтаах
этим. Эбиитин бэйэм сыыһабын хайдах да, хаһан да өйдүө суох-
тааҕым. Билигин сыл-хонук ааспытын кэннэ санаатахпына, үтүө
да кырдьаҕастар олорон ааспыттар эбит. Киһини өйдүүллэринэн,
эдэри араҥаччылыыр ураты дьоҕурдарынан уһулуччулаах да
ытык кырдьаҕастар. Бэл, улаханнык сыыһан бараҥҥын, ону
өйдөөн көннөрүнэр суолга үктэннэххинэ, дөбөҥнүк бырастыы
гыналларынан. Оттон Леонид Попову наһаа таптыыр поэтым.
Киһи быһыытынан сорох ардыгар ситэ өйдөөбөтөҕүм үрдүнэн.
Ис дууһатыттан итийэн-кутуйан суруйар улахан поэт да буолан,
156