Page 165 - Иван Мигалкин. Сүрэхтэн саҕыллар санаалар

эзиятыгар таптала күүһүрэн, кини талааныгар ис сүрэхтэриттэн
сүгүрүйэн, үтүө өйдөбүллээх тарҕаспыттара.
Саха норуотун биир чаҕылхай, киэн туттар бэрэстэбиитэли-
нэн ааттанар талааннаах поэт, бэйэтин кэмигэр киэҥник сура-
ҕырбыт, төрөөбүт норуотун истиҥ махталын ылбыт обществен-
най-политическай диэйэтэл Сергей Степанович Васильев-Боро-
гонскай туһунан 1995 сыл балаҕан ыйын 19 күнүнээҕи нүөмэри-
гэр улуустааҕы «Мүрү саһарҕата» хаһыат Суотту бөһүөлэгин
олохтооҕо, педагогическай үлэ бэтэрээнэ Иван Пирожков бэрт
киэҥ ис хоһоонноох ыстатыйатын бэчээттээбитэ. И, Пирожков
«Өспөт өрөгөй ырыаһыта» ыстатыйатыгар маннык суруллубут
(кылгатан, чопчу наадалаах диэбиппин холобурдуубун):
— 1930 сыллаахха Уус Алдан оройуона тэриллибитэ, оройуон
салалтата быыбардаммыта. Сергей Степанович үөрэх оройуон-
нааҕы салаатын сэбиэдиссэйинэн анаммыта. Бу дуоһунаска сыл
курдук үлэлээн баран, КСК тэрийэр отделыгар үлэҕэ киирбитэ.
1932 сыллаахха Мэҥэ Хаҥалас оройуонугар райисполком
бэрэссэдээтэлинэн ыытыллар. Сергей манна ситиһиилээхтик
үлэлиир. Бөһүөлэктэри тутуу, культурней олох, үөрэхтээһин, Бэс-
тээх— Майа суолун оҥоруу, оройуон киинигэр культурнай, адми-
нистративнай тэрилтэлэр үлэлиир дьиэлэрин тутуу, нэһилиэн-
ньэни саҥа олоххо сыһыарыы уо.д.а. — барылара РИК бэрэссэ-
дээтэлин салалтатынан бараллара.
Сергей бу үлэлэри салайарын бэйэтин поэтическай айымньы-
ларынан дьүөрэлиирэ, ол түмүгэр «Мэҥэлэр хайа үрдүгэр» диэн
ырыа-хоһоон кинигэтин таһаартарбыта.
Сергейи 1934 сыллаахха Ньурба оройуонугар эмиэ РИК бэ­
рэссэдээтэлинэн ыыппыттара. Ньурбаҕа үс сыл устата үлэлээри
оройуону хаалыыттан таһаарыыга элбэҕи оҥорбута, ньурбалар
киэн туттууларын — паарка-сад туттарбыта. Ньурбатааҕы сылла-
рыгар суруйбут ырыаларын-хоһооннорун түмэн, Сергей «Ньурба
биэрэгэр» диэн кинигэ таһаартарбыта.
Онтон салгыы Дьокуускай горисполкомун бэрэссэдээтэлинэн,
Суруйааччылар сойуустарын эппиэттиир сэкирэтээринэн быы-
барданан үлэлээбитэ.
Аҕа дойдуну көмүскүүр Улуу сэрии бастакы сылларыгар Сер­
гей Степанович Суотту 7 кылаастаах оскуолатыгар дириэктэ-
ринэн ананан тахсыбыта. Оччолорго кини Саха АССР Верховнай
Сэбиэтин депутатын да быһыытынан нэһилиэнньэ ортотугар
улахан аптарытыаттааҕа, бэйэтин тула уопуттаах, билиилээх
учууталлары түмпүтэ.
Бу алдьархайдаах, дьон-сэргэ олоҕун атыйахтаах уу курдук
11 - 355 161