Page 158 - Иван Мигалкин. Сүрэхтэн саҕыллар санаалар

үлэһит В.П. Готовцев: — Кини биһиги оройуоҥҥа саамай ытык-
танар дьоннорбутуттан биирдэстэрэ буолар. Быйылгы дьыл Улуу
Өктөөп 70 итиэннэ биһиги Сергей Васильевпыт төрөөбүтэ 80 сы-
ла туолууларынан ордук үөрүүлээх. Сергей Степанович аатын,
олорон кэлбит олоҕун суолун үйэтитэр биһиги ытык иэспит.
1928 сыллаахха Дьокуускайга «Саха кулууба» диэн баара.
Онно кыра үөрэхтээхтэри үөрэтэр куруһуок аһыллыбыта. Биһи-
гини эдэр Сергей Васильев диэн киһи үөрэтэрэ. Кини хайдах эрэ
киһини бэйэтигэр тардар, тылын-өһүн ылыннарар ураты дьоҕур-
дааҕа. Биһиги куруук Баһылайап кэпсиирэ буоллар дии саныыр-
быт. Оннук үчүгэй кэпсээннээҕэ.
Сергей Степановичтыын кэлин элбэхтэ бииргэ сылдьыбып-
пыт. Кини бары дьоҥҥо биир тэҥ элэккэй майгылааҕа, үлэҕэ-хам-
наска итэҕэһи-быһаҕаһы арыйарынан уһулуччулаах киһи, сата-
быллаах үтүө салайааччы этэ. Итинник үтүөкэн киһини, төрөөбүт
сахатын норуотугар элбэҕи оҥорбут талааннаах поэты биһиги
эдэр ыччаппытыгар тириэрдэн, ыччат холобур оҥосторо хайаан
да наада.
— 1933— 1934 үөрэх дьылыгар Танда ШКМ оскуолатыгар
үөрэнэ сылдьаммын «Арамаан артыала» диэн айымньыны но-
йосуус үөрэтэр буолбуппут. Айымньы тылын имигэһэ, кэрэтэ
өйдөнүмтүөтэ сөхтөрбүтэ. Мин оччолорго Арамаан курдук киһи
Сергей Васильев бэйэтэ буолуохтаах дии санаабытым. Бу айым­
ньы улахан иитэр суолталаах, 1937 сыллаахха Суоттуга Сергей
Васильевы аан бастаан көрбүтүм. Чоҕу хайа туппут курдук хара
баттахтааҕа. Дьон бары, кинини көрөөт, «Сэргэй, Сэргэй» дэһэ
түспүттэрэ. Онно миэхэ өйдөбүл хаалбыта: суруйууларыгар маа-
рынныыр элэккэй майгылаах, олус сайдыылаах киһи, — диэн са-
наатын үллэстибитэ сэрии сылларынааҕы учуутал, «Бочуот Зна-
га» уордьан кавалера Матрена Семеновна Готовцева.
* * *
Поэт Сергей Васильев аатын иһиттэхпинэ, ханан да арыы
былыта суох кыырай мэҥэ халлаан устун чэпчэкитик уйдаран
тайаарар сэттэ туруйаны саныыбын, күөх дыргыл сытынан илги-
йэр сардааналаах сыһыыга, нуһараҥ алааска оонньоон күлэ-үөрэ
сылдьар кырачаан оҕолор: «Сэриигэ баҕарбаппыт, баар буоллун
өрүү эйэлээх халлааммыт!» — диэн чабаарар хатан куоластарын
истэбин...
Оҕо иннэ диэн,
Ийэ эмиийин ыанньытар,
Оҕо туһа диэн,
Аҕа тилэҕин элэтэр.
154