Page 163 - Иван Мигалкин. Сүрэхтэн саҕыллар санаалар

актыыбынай кыттыыларын көрөн бараммын, поэт Сергей Васи­
льев үчүгэй аймахтардаах, билсэр-көрсөр дьоннордоох, элбэх
табаарыстардаах эбит диэн санааҕа кэллим. Сергей Степано­
вич Васильевы 1934 сылтан ыла билэбин. Сергей Степанович
саха норуотугар төрөөн-үөскээн сылдьыбыт үтүөкэн дьонтон
биирдэстэрэ буолар, — диэн РСФСР уонна Саха АССР наукала-
рын үтүөлээх диэйэтэлэ, историческай наука доктора, СГУ про­
фессора Г. П. Башарин бэйэтин ахтыытын оҥорбута. Оттон поэт
үөлээннээҕэ Г. В. Васильев этиитин маннык саҕалаабыта:
— Биһиги Сэргэйбит бэйэ үөлээннээхтэрин ортотугар уһулуч-
чулаах киһи этэ. Баарыгар хайгыылларын сөбүлээбэтэ, бэйэтин
туһунан хаһан да кэпсэммэтэ. Кини бириэмэтигэр улаханнык
үөрэр идэлээҕэ. Өлүөн иннинэ миэхэ этэн турардаах: «Сүрэҕим
билигин да эдэр, өссө үлэлиэм», — диэн.
Аҕа дойду Улуу сэриитэ кырыктаах кыргыһыыларынан сил-
биэтэнэн бара турдаҕына, кини тымныы тыынынан аҥылыйа
тыынар кэмигэр, таптал сырдык иэйиитигэр өрүү бэриниилээх
Леонид Попов эдэркээн 25 саастааҕар 1944 сыллаахха үйэлэргэ
хаалар классическай хоһоонун суруйбута:
Долгуннуур күөхтэрдээх сай ааһан,
Доҕоруом, эн хаһан кэлэҕин? —
Ыраатар бэйэҕин сайыһан,
Ытаата мин уйан сүрэҕим.
Илиибэр эн илииҥ баар курдук,
Сүрэхпэр — сүрэҕиҥ сылааһа.
Өрүүтүн биллиэхтин бу курдук
Үйэлээх тапталыҥ былааһа.

До5<эруом, миигинниин үллэстиэҥ
Дьоллоох дуу, сордоох дуу дьылҕабын.
Мин ааппар долгуйа эн истиэҥ
Сириини, хайҕалы, дьон хобун...
Ардыгар санааргыам. санньыйыам, —
Мунчаарбыт сүрэхпин үөрдүөҥ дуо?
Ыраммын, санныгар тайаныам, —
Ыараабыт илиибин уйуоҥ дуо?
Маннык кэрэ хоһоону суруйбут поэт Л.А. Попов убай поэтын
туһунан ис сүрэҕиттэн эппитэ:
— Сергей Васильев ыччакка сүрдээх үчүгэйдик сыһыаннаһа-
ра. Кини Суруйааччылар сойуустарыгар ылларбыт уонунан
ааҕыллар киһитэ кэлин биллэр улахан суруйааччылар буоллу-
лар. Сергей Васильев сүрэҕин-быарын айымньыларыгар биэр-
159