Page 20 - Иван Мигалкин. Сүрэхтэн саҕыллар санаалар

ҕа барбытын билэммин, киниэхэ оҕо устудьуон аатыраммын,
атаахтыҥы сыһыаны олохтообутум. Ол аата, аһы кини астыыр,
хоһу кини хомуйар. Онтум миэнэ уһаабатаҕа. Прокопий дьиэ кэр-
гэттэрин олохторун көрө-истэ диэн, кэтэхтэн үөрэххэ көһөн хо-
моппута... Онон, саха ааҕааччыларыгар киэҥник сураҕырбыт
51 саастаах Николай Алексеевич Габышевтыын иккиэйэҕин
хаалбыппыт. Николай Алексеевич Үрдүкү литературней куурус
истээччитинэн кэлбит маҥнайгы сыла этэ.
Дьон да араас идэлээх буолар. Москва курдук хас эмэ мөлү-
йүөнүнэн нэһилиэнньэлээх куоракка сылдьар автобустар, трол-
лейбустар уонна трамвайдар ханан, төһөҕө сылдьалларын, ула-
хан уулуссанан дуу, болуоссатынан дуу ааһалларын, кинилэр
нүөмэрдэрин, ханна тириэрдэллэрин бэйэтин уон тарбаҕыныы
билэр, сирдьит бэрдэ Прокопий Чуукаар биирдэ эттэ: «Семен Да­
нилов кэргэнинээн Анна Семеновналыын Дьокуускайтан кэлэн,
гостиницаҕа түһэ сыталлар», — диэн.
Москваҕа уонна Саха сиригэр сыһыаннаах бары боппуруос-
тары быһаарарга аналлаах справочнай бюро килбэйэр киинин
соҕотох биир эрэ төбөтүгэр укта сылдьар Прокопий ону төлөпүө-
нүнэн кэпсэтэн билбит. Даниловтар Прокопий биһиккини сарсын
ыҥырбыттарын туһунан үөрүүлээх сураҕы иһитиннэрдэ.
1973 сыл алтынньы 14 күнүгэр Прокопий Чуукаар, эрдэһит
муҥутаан, сарсыарда миигин бэрт эрэйинэн уһугуннарда. Уһук-
тан көрбүтүм: хоспут иһэ харбаммыт, бэрээдэктэммит. Кыракый
остуолбутугар ыһаарыламмыт сымыыт хайыы-үйэҕэ буруолуу
турар.
— Дьэ, Проня, эн үчүгэйдик да утуйдуҥ. Семен Петровичка
көстүөхтээх таҥаспын өтүүктэнэн, ыраастанан, бачыыҥкабын
баахсаланан, дэлби долгуйан, аанньа утуйбатым, — диэтим.
— Сөп буоллаҕа дии, долгуйарыҥ үчүгэй. Кытаат, тылын-өһүн
үчүгэйдик истээр. Семен Петрович эдэрдэри өйдүүр, кинилэргэ
үчүгэй сыһыаннаах, — диэн Прокопий санаабын көтөхтө.
Уопсай дьиэбит түннүктэринэн көстөр «Останкино» башняҕа
болдьоммут кэми учуоттаан, автобуска олорон айаннаатыбыт.
Анаабыт курдук халлааммыт ып-ыраас. Чаҕыл күннээх. Аҕыйах
хонуктааҕыта диэри ардыы турбутун мэлдьэһэн кэбиспиттии,
халлааммыт чэмэлкэй. Останкиноҕа тиийбиппит, киһи көрөн
ымсыырыах, үчүгэйкээн таҥастаах омук дьоно бөҕө тоҕуорус-
пут. Араас тылынан кэпсэтэллэр, наһаа холкутук тутталлар...
Эдэрдэрэ адьас куустуһа, оттон кырдьаҕастара сиэттиһэ сыл­
дьалларын көрөммүн испэр саныыбын: «Капиталистар биһиэхэ
соруйан киэптииллэр...» — диэн. Культура, өй-санаа сыстыбатах
16