Page 23 - Иван Мигалкин. Сүрэхтэн саҕыллар санаалар

Иккис хоһоонтон быһа тардан ааҕабыт:
Тыйысдаҕаны кэмнэргэ
Чараас сүрэхтэр үөскүүллэр,
Оннук
Дьыбарга тоҥ сиргэ
Ньургуһуннар үүнэллэр...
Булбаттар эн хоһооҥҥор
Быыкаа даҕаны сымыйаны,
Хобдох тылынан хомотор,
Хаҕыс, ылламмат ырыаны.

Барыта нарын, уйаҕас,
Сүрэх сипсийэр ырыата...
Ырыа биһиги олохпут
Кэрэтин, ыарын санатар.
Биһиги өрүү суохтуубут
Поэт эйэҕэс эйэтин,
Ытыктыыр убай доҕорбут
Аһыныгас да сэмэтин...
Поэт поэттарга анаабыт хоһоонноро күүһүн! Маннык хоһоон-
нору чахчы ис сүрэхтэн иэйэн-куойан, дууһалыын бэринэн суру-
йуон эрэ сөп. Онтон мин Семен Даниловка аналлаах хоһооннору
анаан-минээн ааҕабын. Ол эрээри, кини Тимофей Сметаниҥҥа
уонна Пантелеймон Тулааһынапка анаан суруйбутун курдук ис
киирбэх, поэт майгытын-сигилитин, кини тыыннаах уобараһын
толору арыйар, киһи быһыытынан ураты кэрэтин көрдөрөр хо-
һооннору Семен Даниловка анаан саха поэттара суруйа иликтэр
дии саныыбын.
Олоҥхоҕо хоһуллар майгы нарына, Айыы бухатыырыныы са-
наа ырааһа, көнөтө Семен Петровичка баара. Баҕар, миэхэҕэ
маннык Кэрэ киһини тыыннааҕымсытан көрдөрүү кыаллыбата
буолаарай?!
* * *
Политическай салайааччыларга аһара сүгүрүйүүлэр буорту-
ларын бүгүҥҥү олохпут дьэҥкэтик көрдөрдө. Оттон төрөөбүт
норуотун туһугар олорбут, үлэлээбит поэкка ис сүрэхтэн сүгүрү-
йүү — ол норуот ис культуратын, таптыыр поэтыгар махталын,
кини айымньыларын этинэн-хаанынан ылынан, билиигэ-көрүүгэ
тардыһыытын үрдүк таһымын көрдөрөр. Семен Даниловка саха
норуота үйэлэргэ сүгүрүйүө!
Саха литературатыгар 60-с сыллартан саҕалаан киирбит су-
руйааччыларга барыларыгар Семен Петрович аҕалыы амарах
2* 19