Page 24 - Иван Мигалкин. Сүрэхтэн саҕыллар санаалар

кыһамньыта, улахан поэт быһыытынан үтүө көмөтө, истиҥ сүбэ-
тэ-амата баара чахчы.
Семен Петрович Данилов туһунан элбэҕи суруйдулар, суру-
йуохтара да турдаҕа. Оттон мин бэйэм тус олохпор сыһыаннаах
аҕыйах түгэни кэпсиэхпин баҕарабын.

* * *
1974 сыллаахха ыам ыйын 4 күнүгэр, «Россия» гостиницаҕа
түһэ сытан, Семен Петрович үөрэммэт айар күммүтүн билэр буо-
лан (Литинститут устудьуоннарыгар итинник сынньанар күннээх
этибит) сарсыарда төлөпүөнүнэн ыҥыртаран ылбыта. Устудьуон
киһи Семен Петрович ыҥырыыларыгар үөрэ-көтө барар идэ-
лээҕим.
Тиийээппин кытта: «Аһаабакка кэлбитиҥ буолуо, рестораҥҥа
түһэн чэйдиэххэ. Тото-хана аһыы сылдьар буол. Оччоҕо үөрэҕи
ылыаҥ. Аһаан бараммыт маҕаһыыннары көрүөхпүт. Уолбар ба-
чыыҥка атыылаһыахтаахпын», — диэтэ.
Сороҕор метроланан, ол быыһыгар сатыылаан ЦУМ-ҥа, Воен­
торга, Арбат уонна Калининскай проспект устунан хас да маҕа-
һыыҥҥа сырыттыбыт. Бачыыҥка арааһын сыымайдаатыбыт.
Семен Петрович улаханнык талымастаан наар миэхэҕэ мээрэй-
дэтэр. Ити быыһыгар «Москва» гостиница кафетыгар 15 этээскэ
эбиэттээтибит. Онтон эмиэ хас да маҕаһыыҥҥа таксинан сыл-
дьан Москва аатырар маҕаһыыннарын үксүн да кэриэтэ көрдүбүт
быһыылаах. Кэмниэ кэнэҕэс биир кыракый маҕаһыынтан чеш-
скэй, платформа хобулуктаах, 45 солкуобайдаах күндү бачыыҥ-
каҕа түбэһэн, миэхэ кэтэрдэн көрөн, Семен Петрович сыанатын
кэрэйбэккэ атыыласта.
Мин дьэ «һуу» гынным. Сылайыы да барда. Семен Петрович
уола оскуолаҕа үөрэнэрин этэрэ. Мин испэр хаһан да харахтаан
көрө, айах атан кэпсэтэ илик Семен Петровичтаах уолларыгар
кыһыйабын: «Куорат атаах уола бу а^атын уонна миигин сор-
доотоҕо... Боростуой да бачыыҥканы атыылаһыахха баара. О50
хас атаахтаатаҕын ахсын омук күндү сыаналаах бачыыҥкатын
атыылаһыннарбыт буола-буола!» — диэн.
Киэһэлик иккиэн улаханнык сылайан, «Россия» гостиницаҕа
кэллибит. Семен Петрович төһө да сылаарҕаабыт көрүҥнэннэр,
уолугар үчүгэй бачыыҥкаҕа түбэһэн, санаата көтөҕүллүбүт киһи
быһыытынан, хоһугар киирээт да, миигиттэн көрдөстө:
— Чэ, ааттаах атыыбытын кэтэн көрдөр эрэ!
(Мин кыһыым өссө улаатта. Испэр оргуйан олоробун да, Се­
мен Петровиһы ытыктыырым бэрдиттэн таспар таһаарбаппын.)
20