Page 21 - Иван Мигалкин. Сүрэхтэн саҕыллар санаалар

кыра ычалаах, алаас түҥкэтэх сирин оҕото итинтэн ордук тугу
буһаран таһаарыамый?!
Манна даҕатан эттэххэ, былырыын күһүн алта саастаах Катю-
шабыныын «Туймаада» маҕаһыын таһынааҕы остановкаҕа тур-
дахпытына, эмискэ кыыһым: «Паапа, куорат оҕолоро наһаа маа-
нылар», — диэн сибигинэйбитэ. Өйдөөн көөртүм, мин иннибэр
сүүрбэччэлээх икки саха кыыһа тураллара. «Катюша, оҕолор үһү
дуо, улахан кыргыттар дии, эн улааттаххына эмиэ таҥныаҥ буол-
лаҕа!» «Суох, паапа, мин билигин таҥныахпын баҕарабын», —
диэн хардаран соһуппута. Онно эмискэ мааны таҥастаах омукта-
ры «Останкино» башня таһыгар аан бастаан ымсыыра көрбүппүн
санаан ылбытым...
Омуктартан тэйиччи соҕус Семен Петрович кэргэнинээн Анна
Семеновналыын биһигини кэтэһэн тураллар эбит. Кинигэ хаар-
тыскаларыгар эрэ көрбүт Семен Петровичпыныын уонна күлэн-
үөрэн, кэпсээн-ипсээн куппун-сүрбүн туппут кэргэнэ Анна Семе­
новналыын бэрт айыйах мүнүүтэ иһигэр өрдөөҥҥүттэн билсэр
дьон курдук буола түстүбүт. Кинилэр: «Останкино» рестораныгар
аһыаххайыҥ», — диэтилэр. Лифкэ киирэн үөһэ куугунатан таҕыс-
тыбыт. «Останкино» ресторана эргийэ турара сөхтөрдө.
Остуолга Семен Петрович Анна Семеновналыын, оттон Про­
копий биһикки кинилэри утары олордубут. Тулабытыгар араас
омуктар. Ону интэриэһиргээн ыйыталаспыппар, Прокопий Мос-
кваны билэр киһи быһыытынан: «Маннык ыраас кун омуктар
«Останкино» үөһэтиттэн Москваны көрөллөрүн сөбүлүүллэр», —
диэн быһааран биэрдэ. Биэрэстэ аҥаара үрдүктэн олорор уоп-
сайбытын бу баардыы чугастык көрдүбүт. Мин сөҕөрүм элбээн
истэ...
Семен Петровичтаах хайдах үөрэнэрбитин, кимнээҕи кытта
доҕордоһорбутун, мин хайа оройуонтан сылдьарбын, туох төрөп-
пүттэрдээхпин ыйыталастылар. Семен Петрович киһини тардар
холку, намыын куолаһынан Дьокуускай сонунун. саха суруйаач-
чыларын кэпсээбитэ. Литература туһунан сэһэргэһии тахсыбы-
тыгар мин Анемподист Софронов, Тимофей Сметанин, Панте­
леймон Тулааһынап, биир дойдулаахтарым Сергей Васильев,
Баал Хабырыыс уонна нууччалартан Александр Блок хоһоонно-
ро ордук чугастарын, истиҥник ылынарбын, кинилэр поэзияла-
рын хайдах өйдүүрбүнэн быһааран биэрбитим.
Кэлин Семен Петровичтыын ыкса бодоруһан баран, мин аат-
таабыт поэттарбын кини эмиэ истиҥник ылынарын билбитим.
Ол гынан баран саныыбын, аҕыйах хоһоонноох 19 эрэ саастаах
уол ону бэрт буола сатаан эппэтэхпин кини үчүгэйдик өйдөөбүт
2-355 17