Page 207 - Иван Мигалкин. Сүрэхтэн саҕыллар санаалар

кваҕа фольклорнай-этнографическай кэнсиэргэ кыттыбыта. Ле-
нинградтааҕы грамзапись фирматыгар 16 ырыата уһуллубута.
Ньурба улууһугар тиийдэрбин эрэ, төрүт хааным тардан, ураты
тыыннаах салгынын ыламмын, сылаабын, ыарыыбын умнан кэ-
биһээччибин. Ньурбаттан төрүттээхтэр мин олохпор бэрт элбэх
үтүөнү оҥорбуттара. Суруйааччы быһыытынан биллиибэр Ав­
густ Васильевич көмөтүгэр өрүү истиҥ. иһирэх махтал тылла-
рын аныыбын. Киһи киһиэхэ сатаан махтаныыта бу эмиэ — ис
санаа сылаас, сырдык иэйиитэ. Этэҥҥэ сылдьан санаабын сайа
тыынан суруйарбар доруобуйабын тупсарыыга ис сүрэҕиттэн
эмтээн көмөлөһөр Наталия Гавриловна Дмитриеваҕа — РФ уон-
на Саха Республикатын үтүөлээх бырааһыгар кэргэним Зоя Ва­
сильевна биһикки махталбыт муҥура суох улахан.
Ньурбалар киһини өйдүүллэринэн уратылаахтар уонна доҕор-
доһууга эрэллээхтэр.
Август Васильевич Егоровка анааммын «Эрэллээх доҕот-
тор — ньурбалар» диэн хоһоону суруйбуппун кини туһунан бэ-
лиэтээһиннэрбэр киллэрдим:
Сахалыы иһирэх тылбынан
Истиҥник ахтабын Ньурбаны,
Сырдык да санааҕа ылларан
Туойуохпун байардым Ньурбаны.
Мэҥэдьэк сылгыта үөрүнэн
Үрэхтэн алааска сүүрэрин,
Харахпар көрөммүн үөрэбин —
Өбүгэ ситимэ сүппэтин.
Ньурбабыт ыччата дьулуһар —
Үөрэххэ, билиигэ тардыстар,
Олоҕу киэргэтэр кыргыттар
Олуһун намыыннар, намчылар.
Кус быһый атахтаах уолаттар
Күрэххэ кыайыылаах тахсаллар,
Ханна да эн сырыт, ньурбалар —
Эйиэхэ эрэллээх доҕоттор.
Сайаҕас, үөрүнньэҥ дьоннордоох
Ньурбабыт кэскилэ тэнийэр,
Хас улуус аайытын кинилэр
Үлэһит бэрдинэн биллэллэр.
* * *
Кинигэ кыһатын үлэһиттэриттэн биһиги төрөөбүт тылбыт, ли-
тературабыт, үөрэхпит уонна национальнай культурабыт сай-
203