Page 211 - Иван Мигалкин. Сүрэхтэн саҕыллар санаалар

Бу олоххо ситиһиим барыта —
Чугас дьонум истин- алгыстара,
Кинилэр күүс-көмө буолбут
Эйэҕэс сыһыаннара...
Хас киһи майгытын судургута —
Кини үтүөтүн быһаарар,
Онтон хоһоон судургута —
Бар дьоҥҥо тиийиэмтиэ буолар.
* * *
Киһиэхэ кыра наада ээ. Суос-соҕотох «таптыыбын» диэн киһи
санаатын бөбөргөтөр, инникигэ эрэли уһугуннарар, кэрэҕэ тар-
дыстыыны күүһүрдэр тыл!
* * *
Ханнык да дьолу курустаал таастыы харыстыахтааххын, дьол
үлтүрүйэрэ кэбэҕэс.
* * *
Тоһуттар тымныылаах кыыдаан кыһыны арай сыһытыан,
сымнатыан сөп — киһи өйө-санаата, олох иһин охсуһуута, онно
дьулуура!
* * *
Киһи уонна айылҕа, олох уонна үлэ, таптал уонна кэрэҕэ дьу-
луһуу, ыал буолуу уонна оҕо — бары биир ситимнэээхтэр. Ол
ураты салгынынан тыыныы, ураты иэйиинэн олоруу...
* * *
Күн сиригэр мин курдук боростуой киһи тыыннаах сылдьарым
да, бу-сүдү дьол. Оттон тыыннаах буолууну бэлэхтээбит Олоххо
махталым бэлиэтэ — үлэнэн хардаран киһи буолуу. Ытык иэһи
төлөөһүн.
* * *
Бар дьоммор үлүскэн үөрүүнү үксэттэрбиэн, буорга түспүт
бурдук сиэмэтин курдук, аҕыйах ахсааннаах төрөөбүт сахам но-
руотугар кыра да туһаны оҥордорбун диэн санаалаах олорорум,
үлэлиирим олохпун уһатыа, үтүө өйдөбүлү хаалларан үйэтитиэ
диэн сырдык эрэллээхпин.

207