Page 206 - Иван Мигалкин. Сүрэхтэн саҕыллар санаалар

элэгэлдьитэн мээнэ киһиэхэ ситтэрбэт. Оннук эрчимнээх, түр-
гэн туттунуулаах. Оччоҕо кини аҕата Василий Иванович Егоро-
вы-Буулдьа Баһылайы саныыгын. Республика 6 төгүллээх, Баһы-
лай Манчаары аатынан республиканскай спартакиада 2 төгүл-
лээх чемпионун, 10 км дистанцияҕа республика 6 бастыҥ сүүрүк-
тэриттэн биирдэстэрин. Буулдьа Баһылай лаппа сааһырыар
диэри республикаҕа ыытыллар многоборье күрэхтэһиитигэр
ситиһиилээхтик кыттыбыт, иннин биэрбэтэх биллиилээх сүүрүк.
Мэҥэдьэк нэһилиэгин кини аатынан Хатыытааҕы физкультурнай
саала ыытар тэрээһиннэригэр кини оҕолоро өрүү көмөлөһөллөр.
Буулдьа Баһылай бирииһигэр сүүрүү спонсордарынан кини кэр-
гэнэ Сыному Алексеевна Чой, уолаттара Иван Васильевич, Ав­
густ Васильевич уонна кыыстара Мария Васильевна буолаллар.
Олохтоохтор биһиги тиийдэхпитинэ туох баардарынан көрсөр,
күндүлүүр идэлээхтэр. Олус ыалдьытымсахтар. Онно биир сы-
рыыбар «Хатыы» диэн хоһоону суруйбутум:
Ньурба сиригэр Хатыы
Улуус кииниттэн кытыы,
Өйбөр сааһылаан, хатыы
Умнуом суоҕа, Хатыы.

Харыйалар, хатыҥнар
Манна үүнэллэр сиэттиһэн,
Күн уотугар тардыстан,
Олус да улааталлар.
Мэкэдьэк сылгылара
Тоҥ хаары хаһаннар,
Сиир отторун булуналлара
Астыннарар барыларын.
Хааман көрдөххө сатыы —
Ыраах буолуоҕа Хатыы,
Дьонун-сэргэтин хатыы —
Саныыбын ытыктыы.
* * *
Киһи сааһыран истэҕин ахсын аймаҕымсах буолар. 12 050-
лоох ийэм аҕата Уйбаан Львов Ньурба Ынахсытыттан төрүттээх.
Кэлин уонча сылга Ньурбатааҕы аймахтарбын Осиповтары кыт-
та ыкса билсэн, аймахтаһан эрэбин. Кинилэртэн биир чулуула-
ра, ийэм тастыҥ быраата Николай Федотович Осипов-Чоомуут.
Сергей Зверев кэнниттэн ааспыт үйэ 50—60—70 сылларыгар
оһуокайга иннин биэрбэтэх этээччи. 1959 сыллаахха Саха си­
рин ыччатын 2-с фестивалыгар лауреат буолбута. 1980 с. Мос-
202