Page 210 - Иван Мигалкин. Сүрэхтэн саҕыллар санаалар

били көтө былаастаан сүүрэн иһэммит уолуйан ыһыытаабыта
буоллар, мин уйабар «уу киириэ, куттал үөскүө этэ...» Оннук бу-
тукайданан буурҕа үөһүгэр киирэн биэрэр кыахтаах этибит.
Буурҕабыт сэллээбит, арыый уоскуйа быһыытыйбытыгар гости-
ницабытыгар кэллибит. Телевизоры холбоон көрбүтүм, биһиги
бу улахан буурҕа кынатыгар эрэ түбэспит этибит. Онтон биһигит-
тэн бэрт ырааҕа суох сиргэ аарыма мастар силистэрэ түөрүллэн
сууллубутун, 11 киһи өлбүтүн, 70-ча киһи ыараханнык эмсэҕэ-
лэммитин эттилэр, траур биллэрдилэр.
Бу түбэлтэҕэ санаабытым, Валерий Николаевичтыын киһи
ханна баҕарар бииргэ сылдьыан сөбүн.

АНАБЫЛ ХОҺООННОРУМ ҮТҮӨ ДЬЫЛҔАЛАРА
(архыыппын бэрийэн көрдөххө)

Баара-суоҕа сүүрбэччэлээх уолга, билсибит бастакы күннэ-
риттэн ыла Николай Алексеевич Габышев уонна Семен Петро­
вич Данилов бииргэ сылдьан эрэ, ону-маны анааран көрөрбөр,
үтүө өрүттэри ылынарбар, өйдүүрбэр барытыгар болҕомтолоох-
тук сыһыаннаһарбар оҕолуу такайбыттара. Иккиэн туох саҥаны
билбиппин-көрбүппүн сурунан иһэрбэр сүбэлээбиттэрэ. Бэйэм
даҕаны, суруйааччы буоларга баҕалаах киһи, кинилэр сүбэлэрин
өйбөр хатыырым. Санааларбын аһаҕастык суруйарым.
* * *
Олох хас биирдии үктэлэ эн билбэккинэн соһутар таабырын-
наах буолар. Кинини таайар туһуттан эккинэн-хааҥҥынан эрэй-
дэнэҕин, өйүҥ-санааҥ мөккүөрүн үлэлэтэҕин...
* * *
Олох салгыы устарын кубулуппат — ааспыты сотон, инники
саҥа саҕахтары кимиэллээхтик арыйан...
* * *
Дьон хаҕыс сыһыанын
Сүрэхпэр кистии суулаабытым,
Кинилэр олус да ыарыылаахтык
Кырыы харахтарынан
Кынчыаттыы көрбүттэрин
Дууһабар суурайбытым...
206