Page 252 - Иван Мигалкин. Сүрэхтэн саҕыллар санаалар
P. 252
Эн кыырыктыйбыт төбөҕөр
Сүүмэх макан баттаҕы
Мин, эн кыыһыҥ, эбэр буолтум
Санаабар олус да ыарахан.
Ийэкээ, ыарахан чааспар
Эн кэрэ мөссүөнүҥ
Түүлбэр көстөн аастар,
Ыарыым чэпчиэх да этэ.
Эн дирик тапталык
Мин эппэр-хааммар
Күүс-уох эбиэхтин,
Санаабын сырдатыахтын.
Москва, 1982 сыл
Дора дирик иэйиилээх бу хоһоонун суруйарыгар баара-суоҕа
31 саастааҕа. Дораны адьас кыракый сааспыттан эдьиийим кур-
дук үрдүктүк, истиҥник санаан улааппытым. Кини бииргэ төрөө-
бут эдьиийим Зоялыын Мүрү орто оскуолатыгар «О» кылаас-
тан саҕалаан онус кылааһы бииргэ үөрэнэн бүтэрбиттэрэ. Биһиэ-
хэ, 12 оҕолоох ыалга элбэхтэ сылдьара. Кини тас көрүҥүнэн да,
дууһатынан да киһи хараҕар бырабыллар кыраһыабайа. Дора-
лаах кылаастарыгар эмиэ кини курдук ис киирбэх кыраһыабай
кыргыттар бааллара: Муся Максимова, Зоя Протодьяконова,
Галя Атласова уо.д.а. Ханнык да көлүөнэҕэ кыраһыабай кыргыт
тар бааллар, олор олоҕу кэрэ иэйиинэн тыынныыллар...
Кэлин оскуоланы бүтэрэн баран, Дора Уус Апданнааҕы хом-
сомуол райкомугар машинистканан улэлээбитэ. Мин хоһоону
13 сааспыттан суруйбут буоламмын, бастакы хоһооннорбун кини
машинкаҕа бэчээттиирэ. Улахан көрдөһүүтэ, ааттаһыыта суох.
Оччолорго билигиҥҥи курдук буолбатаҕа, машинкалаах да тэ-
рилтэ тарбахха баттанара. Тыыннааҕар этиллибэтэх махталбын
суругунан нөҥүө ахтылҕан тылларынан этиэхпин баҕарабын. Би-
лигин 26 кинигэни суруйбуппун билэрэ буоллар, оҕолуу ыраастык
үөрүө да этэ. Дора атын дьон ситиһиилэриттэн ис сүрэҕиттэн
үөрэр ураты кэрэ майгылааҕа. Кини киэн тутта этиэхтээҕэ: «Уй-
баан бастакы суруйуулара мин илиим иһинэн ааспыттара», —
диэн. Кини оннук киэн туттар топору бырааптааҕа.
Дора аһыныгас санаалааҕа, билэр-билбэт дьонугар үтүөнү
эрэ баҕарара. Кэлин биллэххэ, Дора Улан-Удэҕэ культура инсти-
тутугар үөрэнэр сылларыгар мин кэргэмминээн Зоя Васильевна-
лыын биир хоско олоро сылдьыбыттар. Зоя ахтарынан: «Дора
культпросвет училищены бүтэрэн, хас да сыл улэлээн баран кэл-
бит буолан, барыбытыттан аҕа саастааҕа, олоххо быдан уопут-
тааҕа, ол да иһин бары кинини ытыктыыллара, билиитэ-көрүүтэ
248
