Page 248 - Иван Мигалкин. Сүрэхтэн саҕыллар санаалар

Кинигэни мэҥэ хаҥаластар биир дойдулаахтара, улахан па­
триот Марфа Петровна Лыткина салайар «Сайдам» кинигэ кыһа-
та бэчээттээн, саха дьонугар улахан бэлэҕи оҥорбутугар махта-
ныах эрэ тустаахпыт. Манна даҕатан эттэххэ, эмиэ бу «Сайдам»
кинигэ кыһата бэрт соторутааҕыта, билигин баар тыыннаах клас-
сиктартан биирдэстэрэ Рафаэль Баҕатаайыскай кыыһа, эдэркээн
сааһыгар кун сириттэн суох буолбут Сахаайа Ермолаева «Тыын­
наах ырыа» диэн кинигэтин бэчээттээтилэр. Сахаайаҕа маннык
кылгас хоһоон баар:
Ким таайыай бу олох арааһын?
Төһөтө кирдээҕин, ырааһын?
Тас өттө барыта — көмүс дуй...
Этиэҥ дуо түгэҕэр туох баарын?
Биирдэ бэриллэр олоххо чаҕылхай талааннар тыыннаахта-
рыгар ситэ-хото сыаналамматахтарын үрдүнэн, кинилэр ыраас
дууһалара, суруйан хаалларбыт истиҥ иэйиилээх айымньылара
ааҕааччыга син биир тиийэр аналлаахтарын Марфа Куличкина
баай ис хоһоонноох айымньыларыгар булан ааҕаҕын. Маны этэн
эрдэхтэрэ, суругунан нэһилиэстибэ бар дьон сүрэҕэр булгуччу
тиийиэхтээҕин:
Сүрэҕи көтөйөр, сүрэҕи долгутар
Сүүнэ тыл сүмэтин булларбыан,
Үөрүүнэн өйдөнөр, үлэҕэ ахтыллар
Бар дьонум махталын ылларбыан...
Марфа Куличкина хоһооннорун ааҕа олороҥҥун, кини айыл-
ҕаттан бэриллибит талааныгар ис сүрэххиттэн сүгүрүйэҕин, хаар-
тыскатыттан эрэ көрөн билэр мөссүөнүҥ суруйа, айа олорорун
хараххар көрөн ылар курдуккун:
...Кэрэгэй төлкөлөөх дьылҕабын кырыыбын,
Иккистээн төннүбэт эрэлбин билэбин.
Хоһооммун суруйдум сүрэҕим хаанынан,
Мин туустаах хараҕым уутунан,
Үөрүүнү билбэтэх өй, сүрэх күүһүнэн
Кытаанах аналлаах мин төлкөм муҥунан.
Билигиҥҥи кэмҥэ хоһоону, ырыаны суруйааччы элбэх, ол
эрээри сүрэх хаанынан айааччы аҕыйах.
Марфа Куличкинаны саха ааҕааччытыгар аан бастаан киэҥ-
ник сырдаппыт Саха Республикатын Суруйааччыларын сойууһун
чилиэнигэр Иван Тарабукиҥҥа наһаа махтана санаатым. Бэйэҥ
иннинэ олорбут киһи сырдык талаанын үйэтитии төһө да сыра-
ны-сылбаны эрэйэр түбүктээх үлэтин иһин, Марфа Куличкина кур-

244