Page 250 - Иван Мигалкин. Сүрэхтэн саҕыллар санаалар

олоҕо» хаһыат эппиэттиир сэкирэтээринэн, хаһыаты таҥааччы-
нан айымньылаахтык үлэлии сылдьар.
Ханна да бэчээттэммэтэх айар куттаах ааптардарга көмөлө-
һөр, кинилэри өйүүр сыалтан «Амма олоҕо» хаһыат духуобунас-
ка, култуураҕа, литэрэтиирэҕэ хайысхалаах «Умсулҕан» сыһыа-
рыытын бибилэтиэкэта» серияны киһи уонна поэт быһыытынан
истиҥник сыаналыыр Сэмэн Уйбаанабыһым 2008 сыллаахха тэ-
рийбитэ. Манна Алтаана Артемьева «Бар дьоммор», Иван Ада­
мов-Айдын Мургун «Тыллыа дуо күһүн ньургуһун?», Надежда
Пахомова «Үрүҥ түүн» уо.д.а. кинигэлэрэ күн сирин көрбүттэрэ.
Аҕыйах сыллааҕыта Сэмэн Уйбаанабыс «Санаам ымыыла-
ра» кинигэтин сонурҕаан аахпытым. Айар үлэҕэ дьоҕурун, сыс-
таҕаһын көрөммүт, Саха Республикатын Суруйааччыларын со-
йууһугар чилиэнинэн ылбыппыт. Кини талаана сылын аайы
арыллан иһэриттэн үөрэбин.
Баҕар, олуонатык да ааҕыллыа буоллар, сахаҕа «сибигинэһэн
кэпсэтии, саҥарыы» диэн тыллар бааллар. Маны дьиэ кэргэн
олоҕор сыһыаран туттар төрүөтүм: эйэ дэмнээхтик олорор, ха-
рахтарынан, илиилэрин иминэн өйдөһөр, ис сүрэхтэриттэн ытык-
таһар, таптаһар кэргэнниилэр дьиэтээҕи олохторугар улаханнык
киҥир-хаҥыр саҥарсыбакка, чуумпу, кэрэ олохторун араҥаччы-
лаан сибигинэһэн кэпсэтэр буолаллар эбит. Төрөөбүт Сахам
сирин улуустарынан элбэхтэ да сырыттаҕым, араас майгылаах
ыалга ыалдьыт-хоноһо буоллаҕым. Онно бэлиэтии көрөөччүбүн:
хардарыта ытыктаһар кэргэнниилэр сибигинэһэн кэпсэтэллэрин.
Сэмэн Уйбаанабыс кэргэнигэр, ыраас тапталыгар Надежда Яков-
левнаҕа, олус үтүө сыһыаннааҕын билэбин:
Үгүс да эйэҕэс тыллары
Эдэрбэр эппэккэ хаалбыппын,
Иһирэх иэйииттэн кыбыстан,
Ситэри кууспатах эбиппин.
Эмньик саас ол чаҕыл симэҕин
Олохпут хаһыҥа хаарыйбыт,
Чанчыкка хаарынан кыыдамнаан,
Күһүммүт кэлбитэ түргэниэн.
Сэбирдэх, баҕардар, суйданнын,
Кэрэбит күдэҥҥэ күрэннин,
Эдэрбэр сүрэхпэр тыллыбыт
Сардаана тапталым тэтэрдин.
Баҕар, дьэ ол онтон уһуктан,
Эппэтэх тылларбын сааһылаан,
Иккистээн күлүмнүү умайан
Нарыннык уурааммын уоскутуом.
Тапталым ымыыта күн киһим,
Бука диэн куотума, барыма,
2 4 6