Page 266 - Иван Мигалкин. Сүрэхтэн саҕыллар санаалар

айар баҕам тэһитэ кэйиэлээн, кэргэннэммэккэ сааһыран эрэр
кыргыттар тустарынан хоһоон суруйбутум. Ону эдьиийим булан
ааҕан баран, миигин суруйбуккун диэн өһүргэнэн турбута. Аҕам
эт кэһиилээх ыалдьыттыы кэлбитигэр үҥсэн, иккиэн миигин
дьүүллээбиттэрэ. Мин ыксаан аны хоһоон суруйуом суоҕа диэн
тылбын биэрбитим. Онтон ыла аны кэпсээннэри суруйарга хо-
ломмутум. Оччолорго биллиилээх кириитик Эрчимэн салайар
«Сэргэлээх уоттара» литературнай түмсүүгэ дьарыктаммытым
элбэҕи биэрбитэ. Анаабыр улууһун «Кыһыл сулус» хаһыатыгар
эппиэттиир сэкирэтээринэн үлэлии сылдьан, дьэ онно буһуу-ха-
тыы оскуолатын ааспытым. Олох күндүтүн, кэрэтин сыаналыы
үөрэммитим. Чуумпу киэһэлэргэ эрэдээксийэбэр соҕотоҕун бүгэн
олорон кэпсэээннэрбин суруйталаан киирэн барбытым. Суруна-
лыыс буоламмын сотору-сотору ыстаадаларга айанныырым. Ол
түмүгэр «Буурҕа» сэһэммин айбытым. Анаабырга үс сыл үлэ-
лээт, чулуу суруйааччыларбыт уутуйан үөскээбит сирдэрин-уот-
тарын көрөөрү, дьонун-сэргэтин кытта билсээри. талба талыы
Тааттаба тылланан тиийбитим, «Коммунист» хаһыакка үлэҕэ
киирбитим. Эдэрбэр тэптэрэн буолуо, сытыы бөрүөлээх кэрэспэ-
дьиэн кэлбитин биллэрээри олох-дьаһах мөлтөх үлэтин уонна үс
кыыс арыгылаан баран дьүөгэлэрин кырбаабыттарын туһунан
суруйбутум. Кириитикэлэммит дьон эрэдээктэрбэр үҥсэн мөхтө-
рө, сууттаһа сатаабыттара. Онуоха прокурор бэйэтэ көмүскэһэн
быыһаан ылбыта. Онтон эр ылан аны райкомол бастакы сэкирэ-
тээрин көтүмэх үлэтин кириитикэлээн айдаан тартым. Ол түмүгэр
райкомол бастакы сэкирэтээрэ кыыһы отчуоттуур-быыбардыыр
мунньахха дуоһунаһыттан устан кэбистилэр. Кини оннугар Миха­
ил Сорову анаатылар. Үлэтэ суох хаалбыт хомуньуус кыыс мии­
гин эрэдээктэрбэр үҥсэн дьүүллэттэ. Хата бииргэ үлэлиир дьо-
нум Екатерина Шарина, Мирон Мурунов. Иннокентий Петров
уонна Семен Макаров өйөөн-өйдөөн, сүбэ-ама биэрэн мүччү
түспүтүм. Оттон толлор уопуттаах суруналыыстарым Елена Ива­
новна Софронова уонна Дмитрий Николаевич Павлов барахсат-
тар «Үчүгэйдик суруйар, үлэлээтин» диэн быыһаан ылбыттара.
Хаһыаппар салгыы табыллан үлэлээбитим. Ол сылдьан «Өрүс-
тэр кирбиилэригэр» диэн арамааны суруйбут Василий Яковлев-
Тос Баһылайы кытта билсибитим. Кини тэрийэн ыытар литера­
турнай куруһуогар дьарыктаммытым. Ити кэмҥэ «Ньургун» диэн
сэһэммин саҕалаабытым, хас да сака кэпсээннэрбин суруйбу­
тум. Тос Баһылайга көрдөрбүппэр, чуо-бааччы ырыппыта, бэ-
чээккэ биэр диэн сүбэлээбитэ. Оччону истибит киһи үөрэ түспү-
түм. Билигин санаатахпына, Таатта дьоно-сэргэтэ миэхэ тирэх-
262