Page 263 - Иван Мигалкин. Сүрэхтэн саҕыллар санаалар

Кэм бэйэтэ сиидэлиир: туох үчүгэй, кэскиллээх оҥоһуллубу-
та улам дагдайан, көстүүлэнэн иһэр. Оттон мөлтөх, бороҥ күн-
дьыл ааһыыта тимирэн, умнуллан, сүтэн иһэр. Онон, дьиҥинэн
ыллахха, дьиҥнээх поэзия сайдыытын куһаҕан хоһоон мотуога
төһө да элбэҕин, дэбилгэннээҕин иһин, харгыстыыр, буортулуур
кыаҕа суох. Ол эрээри ити мөлтөх хоһоон диэлийиитин утары ох-
суһар наадата суох диэн буолбатах. Охсуһуохха, кыах баарынан
мэһэйдэһэ сатыахха наада. Тоҕо диэтэххэ, ааҕааччы чувствотын
сыппатар, кинини поэзияттан тэйитэр, үчүгэйи мөлтөхтөн араар-
бат буолууга тиэрдэр» диэбитин санатыам этэ.
Прозаҕа да син биир итинник кэм сиидэлиир буоллаҕа дии.
Үчүгэйэ хаалыа, куһаҕана сүтүө. Ол эрээри онтубут биир моһуок-
таах — уус-уран айымньы тыла-өпө сыппыырыгар тиэрдэр дии
саныыбын. Билигин айымньылар тыллара-өстөрө наһаа судур-
гутуйда. Сюжеты батыһан биир күдьүс тылынан сэһэргээһин эрэ
курдук буолан хаалла. Айымньы геройун майгытын-сигилитин,
быһыытын-таһаатын көрдөрөр ойуулааһыннар суохтарын кэриэ-
тэ буолла, баар да буоллаҕынан наһаа судургутуйдулар. Саха
тылын олус баай ойуулуур-дьүһүннүүр тыллара умнуллан эрэ-
ллэр. Эгэ, айыл5аны, оту-маһы, араас көстүүлэри ойуулааһын
баар буолуо дуо?
Мин, холобура, Амма Аччыгыйын ойуулааһыннарыттан үксүн
билигин да өйдүүбүн, онно этиллэри харахпар субу баардыы
көрөн кэлэбин. Холобур, Сүөдэр Хомуоһап Микиитэҕэ уот отто-
рун көрдөрөр түгэнин. Туоска испиискэ уматан таьайбытыгар аан
бастаан хап-хара буруо көбүс көнөтүк дьурулаан тахсар, онтон
биир сиринэн сылгы кулгааҕын курдук төлөн сэрэммиттии быган
ылаат төттөрү түһэр, чочумча буолаат элбэх буолан хас да си­
ринэн быгыалаан тахсан, сиэттиһэ түһэн хаппыт амынньыары
хабан ылан отуу уота умайан күлүбүрүүрүн адьас харахпар көрө-
бүн. «Атаҕастабыл» диэн сэһэн саҕаланыытыгар Амма өрүһү
ойуулааһына хайдах курдук кэрэний? «Алдьархайга» кыһыҥҥы
айылҕаны ымпыктаан-чымпыктаан ойуулуура үчүгэйин. Аны
ойуулуур-дьүһүннүүр тыллары хайдахтаах курдук табан туһана-
рый. Холобур, Эрдэлиир ити кими этэрий диэбиттии уҥа-хаҥас
«чылаарыҥнаан» кэбистэ диэни аахтахпына, Эрдэлиир Миитэ-
рэйи илэ бэйэтин көрөргө дылыбын. Билиҥҥи айымньыларга
итинник ойуулааһыннар суохтар.
Аныгы ааҕааччылар үгүстэрэ итинник ымпыктааһыны-чым-
пыктааһыны ааҕа барбакка көтүтэн кэбиһэллэр, сюжеты эрэ ба-
тыһаллар, түргэнник айымньы тугунан түмүктэнэрин билэргэ дьу-
17' 25 9