Page 267 - Иван Мигалкин. Сүрэхтэн саҕыллар санаалар

өйөбүл буолан, олус үчүгэйдик сыһыаннаһан инники суруйааччы
буолар суолбун тэлбиттэр эбит. Аны ити сыл Дьокуускайга үлэ
көстүбүтэ. «Саха сирэ» хаһыакка үлэлиир сылларбар кэпсээн-
нэрим киин хаһыаттарга бэчээттэнэн барбыттара. Онтон санаам
көтөҕүллэн «Чолбон» сурунаалга «Ыйдаҥалаах киэһэлэр» диэн
таптал туһунан кэпсээммин илдьэн биэрбитим. Оччолорго проза
салаатын сэбиэдиссэйэ Далан эбит этэ. Кини миигин үөрэтэрдии
кытаанахтык көрөн олорон: «Эһиги, эдэр дьон таптал эрэ туһунан
суруйуунан муҥурданаҕыт. Билиҥҥи буола турар быһыыны-май-
гыны, демократия уонна сэбиэскэй систиэмэ киирсиитин олох
көрдөрбөккүт», — диэн баран, тугу ситэ-хото өйдөөбөккө сыл-
дьарбын бэрт ылбарҕайдык быһаара охсон биэрбитэ.
Ардыгар биир көрсүһүү киһи олоҕор улахан сабыдыалы оҥо-
рор кыахтааҕын онно билбитим. Дириҥ билиилээх бөлүһүөк су­
руйааччы хас биирдии тыла-өһө дууһабар дириҥник өтөн киир-
битэ. Айымньыларым хайысхаларын хаттаан көрөн уларытан
биэриэхтээхпин өйдөөбүтүм. «Буурҕа» диэн сэһэммин саҥа ыл-
сан эрэрим. Хараҕым аһыллыбыт киһи быһыытынан, билиҥҥи
уонна урукку кэм хайысхаларын көрдөрүөхпүн баҕарбытым.
Василий Семеновиһы кытта бастакы кэпсэтиим кэнниттэн үс
ый буолан баран, арай үлэм төлөпүөнэ тырылаабытын ылбып-
пар: «Иван Осипов-Ойуурап», — диир Далан куолаһын сүрдээҕин
соһуйа, муодарҕыы истибитим. Онтон салгыы киниттэн били
«Ыйдаҥалаах киэһэлэр» диэн табыллыбатах таптал туһунан
кэпсээним «Чолбон сурунаалга» бэчээттэммитин, өссө гонорар
ылыахтаахпын билэн атаҕым сири билбэт буола үөрбүтүм.
Дьылҕа Хаан обургу онон-манан эргитэн-урбатан, 1994 сыл-
лаахха «Чолбон» сурунаалга сирдээн аҕалбыта. Манна В.С. Яков-
лев-Далан, Е.П. Шестаков-Эрчимэн, И.Е. Федосеев-Доосо, П.Д. Ав­
вакумов уонна Н. Е. Винокуров-Урсун курдук саха ааҕааччыларыгар
биллэр, ытыктанар улахан суруйааччылары кытта бииргэ үлэлиир
буолбутум миэхэ, айар үлэнэн дьарыктанан эрэр эдэр киһиэхэ
наһаа үөрүүлээх суол этэ. Күн аайы санаам көтөҕүллэн, дууһам
сырдаан үлэлиир тэрилтэбэр кэлэрим. Онтон Далан «Ньургун» сэ-
һэммин хайҕаан алҕаабытын кэнниттэн, туох эрэ улахан уларыйыы
буолуохтааҕын сэрэйбит курдук буолбутум. Арааһа, литература эй-
гэтин тутустахпына сатаныыһык диэн санаа киирбитэ.
Тапталлаах «Чолбон» сурунаалбар билигин да үлэлии сыл-
дьабын. Айар былаан элбэх. Аныгы кэми ойуулуур баҕаттан «Хо-
тун» диэн саҥа сэһэммин суруйан бүтэрдим. Өссө хоһооннор-
доохпун, олору сыыйа бэчээттэтиэм этэ.
— Эн биир дойдулаахтарын, Рафаэль Баратаайыскайы,
2 6 3