Page 270 - Иван Мигалкин. Сүрэхтэн саҕыллар санаалар

ЫРААС САНААТТАН САҔЫЛЛАР ПОЭЗИЯ

Олох хас биирдии үктэлэ эн билбэккинэн соһутар таабырын-
наах буолар. Ону таайар туһуттан эккинэн-хааҥҥынан эрэй-
ДЭНЭ5ИН, өйүҥ-санааҥ мөккүөрүн үлэлэтэҕин... Ыраас санааттан
Улахан Таптал саҕыллар.
Сайынын наскыйа үүнэр
Эдэр хатыҥҥа тэҥнээтим,
Көҥүл көмүс күммэр
Кэккэлэһиннэрэн үөрдүм,
Тапталым эн эрэ.
Валериан Николаев маннык ис киирбэх строкалардаах хоһоо-
но «Киһи баарын тухары» диэн бастакы кинигэтигэр киирбитэ.
Кини ити курдук поэзия киэҥ аартыгар олоххо киһи аналын анаа-
ран көрөр, омос аахтахха, судургу курдук буолан баран, киһини
толкуйдатар дириҥ ис хоһоонноох айымньыларынан үктэммитэ.
Хайа да кэмҥэ киһи олоҕор туһааннаах. тыын суолталаах өй-
дөбүл үөскүүр. Поэттар ол «күлүүһүн» булан арыйан биэрэргэ
ис сүрэхтэриттэн дьулуһар идэлээхтэр. Сорохторго ол кыаллар,
оттон атыттар олохторун устата итини кыайан арыйбаттар. Ва­
лериан Николаев бу «күлүүһү» сатаан арыйар дьоҕурдаах поэт.
Орто дойду олоҕор
О50 ытыырын истэҥҥин
Эн сүрэҕиҥ тэппэт буоллаҕына,
Эн кимҥиний,
Эн аналыҥ туохханый?
Бу олус сөптөөх ыйытыы. Киһи олоххо үктэнэн, кэнчээри ыч-
чатын хаалларан, Сир Ийэни сириэдитэр буоллаҕа!
Күн бүгүҥҥү олохпутун
Таҥара бэлэҕин курдук көрүөххэ,
Оттомноохтук олороммут
Баарбытыгар киһи бэрдэ дэтиэххэ.
Валериан Парфеньевич Николаев идэтинэн научнай үлэһит,
медицинской наука дуоктара. Киэҥ эйгэҕэ сылдьар поэт буола-
рынан дириҥ билиилээх-көрүүлээх киһинэн сыаналыыбын. Хо-
һооннорун сөбүлээн ааҕабын, «Санаалар — ыраас ыраларым»
диэн иккис кинигэтин эмиэ сэргээбитим.
Кэмсиммэппин эгэлгэ элбэхтэн
Эмчит идэтин талбыппыттан.
Киэн туттабын үлэм түмүгүнэн,
Дьоҥҥо туһаны оҥорорбунан.
266