Page 36 - Иван Мигалкин. Сүрэхтэн саҕыллар санаалар

ҕум дьоллоох түгэнинэн ааҕабын. Бу үстүү томнаах К. Кулиев
уонна Д. Кугультинов кинигэлэригэр Чингиз Айтматов киирии
тылын суруйбута киһи болҕомтотун өссө күүскэ тардар. Кайсын
Кулиев олох эрэйин-кыһалҕатын сүрэҕин ортотунан эрдээхтик
аһаран, норуотун ыар дьылҕатын тэҥҥэ үллэстэн, сэрии алдьар-
хайын билэн, маннык күүстээх тыллардаах киһи дууһатын долгу-
тар хоһоону суруйдаҕа:
Судьба, склонясь низко пред тобой,
Благодарю, что в пору лихолетий
В огне, под снегом или под водой
Мой смертный час меня нигде не встретил.
Я мог и за решетчатым окном,
Где моего никто б не слышал зова,
Окончить жизнь и в мертвый глинозем
Лечь, не увидев края родного.

...Спасибо, что за все мои грехи
Меня ты не лишила дара слова,
Что ветром разнесенные стихи
Ты помогла собрать и вспомнить снова.
Что ты вернула мне, пока я жив.
Снега Эльбруса и рассвет Чегема,
За то, что был я только молчалив —
В те дни, когда другие были немы.
Өйбөр-санаабар татаар суруйааччыта Заки Нури кэпсээн-ип-
сээн мичээрэ турара бу баар. Саһаан үрдүктээх, төрөл эттээх-
сииннээх, кыһыл хааннаах, өрүү мичээрэ сылдьар Татария
аатырбыт поэта Заки Нурины кытта аан бастаан билсиһээт да,
хаһан да кыыһырар диэни билбэт киһи буолуо дии саныыгын.
Кырдьыга да, кини Семен Данилов чулуу доҕордоруттан биир-
дэстэрэ, көрү-нары көҕүлүттэн туппут киһи киэнэ кэрэмэһэ, үтүө
майгылааҕа этэ.
Заки Нури сэрии ыар сылларыгар Константин Заслонов ко-
мандирдаах аатырбыт Белоруссия партизаннарыгар разведчик-
тар командирдарынан сэрии былаһын тухары сылдьыбыт. Семен
Даниловтыын ВЛК-ҕа бииргэ үөрэммиттэр, онтон ыла доҕордуу
буолбуттар. Заки Нури бэйэтин Тарапуньканан, оттон Семен Пе-
тровиһы Штепселинэн ааттыыра. «Москва» гостиницаҕа остуол-
га хас да чаас бииргэ олоруубут олох биллибэккэ ааһан, үтүө
киһи аттыгар чаһы хаамыыта түргэтиирин билбитим. Заки Нури
Семен Петровичтан миэтэрэ аҥаарынан улахана. Заки Нури —
Заки Шарафутдинович Нурутдинов Семен Данилов туһунан ин-
32