Page 34 - Иван Мигалкин. Сүрэхтэн саҕыллар санаалар

Семен Данилов бу хоһоонун бастакы строфатыгар бастакы
уонна үһүс строкаларыгар бастаан «үстэ курданан», «үстэ ума-
йан» диэбит, онтун үрдүнэн көннөртөөн «үс төгүл» диэн суруйбут.
Эмиэ бастакы строфа төрдүс строкатыгар «дьэ ордук киэркэйэр»
диэн этиигэ Семен Петрович «дьэ» диэн тылын ылан бырахпыт
уонна «бу» диэн тылынан солбуйбут. Кини оччолорго төһө да
аатырар поэт буоллар, хас биирдии хоһоон суруллуутугар эппиэ-
тинэстээхтик сыһыаннаһан үлэлиирин мантан көрөбүт.
Мин оччолорго уһуну-киэҥи толкуйдуурум буоллар, Семен
Данилов бырахтарар хаһыаттарын мунньан иһиэхтээҕим! Эдэр
сааска ханнык да улахан киһиэхэ өлөр өлүү өҥөйүөхтээҕин туһу-
нан санаабат этим... Бу хаһыаттар билигин бааллара буоллар,
бэйэм өттүбүттэн көмөнү оҥорорум хааллаҕа! Кэмсиммит иһин,
олох салгыы устарын кубулуппат — ааспыты сотой, инники саҥа
саҕахтары кимиэллээхтик арыйан...
* * *
Семен Данилов үтүө доҕотторуттан сорохторун кытта мии-
гин сирэй билиһиннэртээбитэ. Онон сүүрбэлээх устудьуон уол,
урут кинигэлэрин эрэ ааҕар суруйааччыларбын кытары, төһө да
түҥкэтэх алаастан сырыттарбын, эн-мин диэн кэпсэтэр үрдүк
чиэскэ тиксибитим.
Калмыкия норуодунай поэта Давид Кугультиновы көрдөхпүнэ,
аттыгар чугас Кабардино-Балкария норуодунай поэта Кайсын
Кулиев баар буолуохтааҕын сэрэйэрим. Үксүгэр ити сэрэйбитим
сөп түбэһэрэ.
Давид Кугультинов — философ-поэт. Кини киһи кутун-сүрүн
бэйэтигэр күүскэ тардара, нууччалыы олус ыраастык саҥарара.
Калмыкия саамай чулуу поэтынан биллэрэ:
Зерно взрывается в земле,
Как бы себя уничтожая,
И повторяется в стебле,
Как бы себя приумножая.
Давид Кугультинов философскай поэзиятын Расул Гамзато­
вы, Мустай Каримы, Кайсын Кулиевы кытта биир тэҥ кэккэҕэ ту-
руораллар. Давид Никитич бастыҥ доҕоро, аҕыйах ахсааннаах
балкар норуотун уһулуччулаах поэта Кайсын Шуваевич Кулиев-
тыын сэрии кэнниттэн Казахстаҥҥа сыылкаҕа сылдьан билсибит-
тэр, үйэлээх доҕордуу буолбуттар. Кинилэр өрүү бииргэ сылдьа
сатыыллара: мунньах буоллун, командировка буоллун... Хаар
төбөлөөх хайалардаах Кавказтан уонна киэк-нэлэмэн истиэп-
тээх Калмыкияттан.
30