Page 33 - Иван Мигалкин. Сүрэхтэн саҕыллар санаалар

хатылаама, ол гынан баран, наһаа үлүһүйбэккэ, наар чугас ай-
махтаргыттан хомуй, билбэт дьоҥҥуттан ыла сатаама.
Кырдьан олордоххуна, былыр Уйбаан биһигиттэн албыннаан
ылбыта диэн, саҥалаах-иҥэлээх буолуон эмиэ сел. Былыргы
өтөхтөн эмиэ хомуйума, сыстыганнаах ыарыы, сэт-сэлээн диэни
истэр инигин?
Мин 1974 сыллаахтан ыла, сүүрбэччэлээх уолчаан сылдьам-
мын, былыргы иһити-хомуоһу, туттар тэрили, таҥара күлүктэрин
аймахтарбыттан хомуйан барбытым. Бииргэ төрөөбүт 12 буолар-
бытынан чороону, кытыйаны, таҥара күлүгүн барыта 12-лии ус-
тууканы хомуйбутум. Өбүгэлэрим былыргы ыскааптарын, остуол-
ларын, араас бытархай малларын-салларын булаттаабытым.
Кэргэмминээн Зоя Васильевна Мигалкиналыын 1993 сыл-
лаахха тэрийбит В. А. Протодьяконов-Кулантай аатынан музей
комплекспыт 9x9 кв. миэтэрэ иэннээх сахатын балаҕаныгар ол
муспут коллекциябын көрдөрүүгэ туруорабын.

* * *
Семен Петрович Данилов наһаа үлэһит поэт этэ. Ханна да
сырыттар өрүү суруйан тахсара. Москваҕа хастыы да хонноҕуна,
миигинэн көтөх муҥунан кумааҕыны бырахтарара. Хоһооннорун
сороҕор ааҕар хаһыатыгар суруйар эбит этэ. Билигин мин кэм-
синэрим диэн — черновой оҥостубут элбэх хаһыатын урнаҕа
бырахпыппын... Кини хаһыаты араас өттүттэн эргитэ сылдьан
суруйара. Мин хаһыаты барытын ылыахпын сөп этэ да, Семен
Петровичтан кыбыстарым, наһаа да харам эбит, саҥаны атыы-
лаһарыгар харчытын харыстаан, мин бөххө бырахтарар хаһыат-
тарбын хомуйан эрэр диэҕэ диэммин! Кэлин наада буолуо диэн,
икки-үс хаһыаты ылбытым. Ону да бэйэтиттэн көҥүллэтэн.
Ол хаһыаттарбыттан биирдэстэрэ «За рубежом» 1976 сыл-
лааҕы 1 №-рэ. Бу хаһыат ыраас өттүгэр, ойоҕоһугар Семен Дани­
лов биир хоһооно элбэхтэ көннөрүллэ-көннөрүллэ суруллан иһэн
хаалбыт. Ону билиһиннэрдэххэ маннык:
Саадаҕын үс төгүл курданан
Уол 050 кииллийэр диэччилэр,
Варшава үс төгүл умайан
Үсүһүн бу курдук киэркэйэр.
Варшава эр бэрдин кэриэтэ —
Эдэрэ, эрчимэ, кэрэтэ.
Киэркэйэр саҥатык, модуннук
Октябрь халлаанын аннынан,
Поляктыы булугас өйдөөхтүк
Поляктыы ПНР былааҕын...
29