Page 46 - Иван Мигалкин. Сүрэхтэн саҕыллар санаалар

көруһуннэрэллэр. Соло буллаххытына, уочаратынан кэлэ сыл-
дьар буолун,. 5 чаастан киллэрэллэр.
Транспора — 107 автобус — «Детскэй миртэн».
187 — Университет метротуттан.
77 — «Хрустальное» кафеттан.
201 — «Киевскэй» вокзалтан.
260 — эмиэ хантан эрэ кэлэллэр.
Чэ итинник.
Уруйу кытта С. Данилов.
(Бу сурук кэмбиэригэр миэхэҕэ аадырыстаммыт этэ. Онон
С.П. Данилов эмтэнэ сытар балыыһатын аадырыһын үөһэ аат-
таммыт дьоҥҥо уһултарбытым. Ол оннугар сурук оригиналын
бэйэбэр ылан хаалларбытым.)

* * *
«Ваня, Мы в ресторане на II этаже. Прямо напротив лифта.
Приходи. Сэмэн.» («Россия» гостиница бэчээттээх анал кумаа-
ҕыга суруллубут бу саппыысканы уура сылдьар биричиинэм
диэн — манна биир остуолга олорон Саха АССР оччотооҕу
биир саамай улахан баһылыга, партия уобаластааҕы кэмитиэ-
тин I сэкирэтээрэ Гаврил Иосифович Чиряевтиин эбиэттэһэр
чиэскэ тиксибитим. Рестораҥҥа киирэн кэлбитим, Семен Пет-
ровичтаах Г. И. Чиряев «Депутатскай» диэн суруктаах анал мун-
нукка олороллоро. Миигин көрөөт, Семен Петрович ыҥыран
ылбыта. Гавриил Иосифовичка устудьуон уол диэн билиһиннэр-
битэ. Сүүрбэччэлээх тыа уола, оҕочоос санаабар, улахан сала-
йааччылар нууччалыы эрэ кэпсэтэллэрэ буолуо дии санаабы-
тым, Гавриил Иосифович Семен Петровичтыын уу сахалыы кэп-
сэтэн миигин улаханнык соһуппуттара. Онон Г. И. Чиряевка ис ис-
питтэн ытыктабыл үөскээбитэ. Онуоха эбии кини миигиттэн ханна
үөрэнэрбин, хайа оройуон буоларбын ыйыппыта. Ити ыйытыыла-
рыгар бэрт чобуотук хардарбытым. Холобур, билигин Саха Рес-
публикатын Президенэ миигин кытта кэпсэттэҕинэ, долгуйуом
буолуо, оччолорго дуоһунас төһө суолталааҕын олох билбэппит-
тэн иҥнигэһэ суох кэпсэттэҕим.
Олус минньигэс тотоойу эбиэти аһыы олороммун, Семен
Петровичтаах тугу кэпсэппиттэригэр болҕомтобун уурбатаҕым,
бэйэм да дууһабынан бүтэйдии сэрэйэн, кинилэри мэһэйдээбэ-
тэрбин ханнык диэн толкуйдаатаҕым. Арай туораттан биири бэ-
лиэтии көрбүтүм: иккиэн таҥастыын-саптыын эчи үчүгэйдэрин,
наһаа да ис киирбэх дьүһүннээхтэрин, киһини тардар үрдүк куль-
42