Page 66 - Иван Мигалкин. Сүрэхтэн саҕыллар санаалар

кэлбит ыалдьыттар, атын да оройуоннартан кэлбиттэр Мытаахха
тахсыбыттар үһү диэни. Итиннэ ыалдьыттар мэнээк кэлбэтэхпит,
көрүөхпүтүн көрдүбүт, билиэхпитин биллибит диэн үөрэн-көтөн,
астынан барар кииннэрин тэрийдэргит бэрт буолуо эта. Кытаа-
тан сүбэҕитин-амаҕытын холбоон тэрийэ, оҥоро сатааҥ диэн мин
көрдөһүөхпүн баҕарабын. Ыччаттаргытыгар, оҕолоргутугар му-
зыкальнай билиини иҥэрэргэ дьулуһуҥ. Хас биирдии киһи, учуу-
тал да, инженер да буоллун искусствоҕа, культураҕа ханнык эмэ
билиитэ суох буоллаҕына, бэйэтин культурнай киһинэн ааҕынар
кыаҕа суох.
(Мытаахха баар Семен Данилов музей-бибилэтиэкэтин уонна
Афанасий Осипов хартыыналарын галереятын бэркэ кэрэхсээн,
астынан көрбүтүм. Мытаахха дьон-сэргэ олору көрөөрү сылдьар
дии санаабытым. Аны, кыаллара буоллар, Софрон Петровиһы
хайдах эрэ уратытык толкуйдааталлар. Дьэ, оччотугар Мытаах
Горнай улууһун культурнай киининэн ааттаныан ааттаныа!
Киэҥ сирдэринэн тэлэһийэн сылдьыбыт, итиэннэ Россия чу-
луу дьоннорун кытта эн-мин дэсиһэн билсибит да буолан, Соф­
рон Петрович культурнай киһи диэн ким ааттанарын чопчу этэр
кыахтааҕа. Онон саха ыччата эргиччи сайдыылаах буоларыгар
баҕа санаатын ханна да тиийдин, мэлдьи этэ сылдьара.)
— Хайа баэарар норуот бэйэтин баһын бэйэтэ бас билинэргэ
дьулуһара чуолкай. Ону ким да саарбаҕалаабат. Дьэ, ити гынан
баран ол кэмнээҕи усулуобуйалар диэннэр бааллар. Ити усулуо-
буйалары аахсан туран, саха норуота билиҥҥи кэмҥэ Россият-
тан туспа арахсан государство буолар кыахтаах дуу, суох дуу?
Мин өйдүүрбүнэн, туспа баран олорор кыахпыт суох. Туспа оло-
рорго туох баар промышленноскын, тутуугун бүтүннүүтүн бэйэҥ
дьаһайар, онно бэйэҥ үлэлиир буолуоххун наада. Каадырдарыҥ
эмиэ атын сиртэн эрэ кэлбит омук буолуо суохтаахтар. Билигин
биһиги республикабыт алмаас промышленноһыттан үбүлэнэн
олорор. Дьэ уонна хайдах туспа барыахпытый? Өскөтүн туспа
барыаххын саныыр буоллаххына, эрдэттэн бэлэмнэниэххин наа­
да. Алмаас промышленноһыгар каадырдары иитиэххин, оробуо-
чайдары, механизатордары, инженердэри бэлэмниэххин наада.
Көмүс промышленноһыгар эмиэ биир оннук. Онно бары салайар
пуостары уонна алларааҥҥытын эмиэ бэйэҥ илиигэр ыллаххы-
на, дьэ оччоҕо арахсар туһунан кэпсэтиэххэ сөп. Государствен­
ность быһыытынан аармыйаны тутарга, посольствоны, бэрэс-
тэбиитэлистибэни тутарга дэлэлээх ороскуот наада үһү дуо?
Манна каадыр да суох. Оннооҕор ойох-эр арахсара уустук. Сар-
сыарда турдуҥ да, Россияттан арахсабын диэн буолбат. Били-
6 2