Page 62 - Иван Мигалкин. Сүрэхтэн саҕыллар санаалар

ньуктарын Пикассону, Матиһы, Лежены, Модельянины бэйэтин
ыстатыйаларынан Илья Эренбург билиһиннэрбитэ.
Ханнык баҕарар норуокка инники иһэр араҥа дьон баар буо-
лаллар, кинилэр атын норуоттары кытта искусствонан уонна ли-
тературанан доҕордоһуулара бэйэлэриттэн алын араҥаны эмиэ
үрдүккэ угуйаллар. Онон үүнүүнү, сайдыыны аҕалаллар.
Н.Г. Чернышевскай «Тугу оҥоруохха?» диэн романын уонна
Лопе де Вега «Фуэнте Овехуна» диэн драматын Софрон Данилов
сахалыы саҥардан, ааҕааччыларыгар үйэлээх бэлэҕи оҥорбута.
Софрон Петрович Данилов үлэһит киһиэхэ сүгүрүйэрэ уонна
биирдэ бэриллэр олоҕу олус истиҥник, ыраастык таптыыра. Дьэ,
ол иһин, олох биэрбит хас күнүн барытын умсулҕаннаах үлэҕэ
анаабыта. Кини айбыт Аласова киһини тардар күүстээҕин билэр
да буоламмыт биһиги, ааҕааччылар, Софрон Данилов Аласовы-
гар сүгүрүйэбит.
Биһиги республикабыт Софрон Петрович Данилов курдук бе­
ден- суруйааччыны, биллиилээх общественнай диэйэтэли сүтэр-
бит ыарахан күннэригэр мин кини төрөөбүт Горнай улууһугар
баарым. Ити кутурҕан күннэргэ Софрон Петрович туһунан эл-
бэхтэ эргитэ санаабытым. Кини «Өлбөт үйэ» хоһооно урукку
кэмнэрдээҕэр өссө күүскэ сүрэхпин долгуппута, хоһоон хас биир-
дии строкатыгар Софрон Петровичтыын кэпсэппит, сэһэргэһэн
ылбыт дьоллоох түгэннэрим аны хаһан да эргийбэтин санатан
олус да ыарыылаахтык, санаарҕабыллаахтык дууһабар аһыллан
кэлбиттэрэ:
Мин өлүөм...
Мин төннүөм
Айбыт айылҕам киэҥигэр,
Ийэ буорум иһигэр...

...Мин
Сири кытта сир буолан
С И И К к у р д у к СИ М ЭЛИЙИЭ5ИМ ,
Буору кытта буор буолан
Букатын мэлийиэҕим...
Ол эрээри...
Мин тыыннаах кэриэтэ сылдьыһыаҕым
Кэннибэр хаалар дьоннордуун,
Кинилэрдиин бииргэ ыллаһыаҕым
Кэрэмэс кэмнэри уруйдуу.
Кинилэр уһатыахтара
мин муҥур үйэбин,
Кинилэр ситэриэхтэрэ
мин бүппэтэх үлэбин,
58