Page 188 - Өксөкүлээх Уола 2009 223стр
P. 188
Алексей Кулаковскай уола буоларын кэнники билбитим. Саха
тылын үөрэтэрэ, сүрдээх кыһамньылаах, оҕолорго тематын
өйдөрүтэр түһүмтүө гына сааһылаан быһаарарга, литература
киһитэ буоларын быһыытынан, сүрдээх боростуойдук кэп-
сиир дьоҕур айылҕатган бэриллибит киһитэ этэ, ону мин хас
да аһаҕас уруокка сылдьан билбитим.
Реас Алексеевич сүрдээх кэпсээннээх, көрдөөх, үөрүнньэҥ,
дьиэтигэр-уотугар элбэх ыалдьыттардаах, хоноһолордоох
буолар эбит этэ. Ордук булт туһунан табыллан, сүргэтэ
көгөҕүллэн, сирэйдиин-харахтыын уларыйан кэпсээн барда-
ҕына киһи эрэ истэ олоруох курдук буолара. Бэйэтэ сүрдээх
сааһыт этэ. Кэнники түбэсиһэн бииргэ бултуу сылдьыбыт-
таахпын, онно көрдөөх кэпсээннэрэ киһи сүргэтин көтөҕөл-
лөрө. Элбэх сиринэн сылдьан сылайдарбьҥ да, Реас Алексее-
вич араас көрдөөх кэпсээннэрэ сылаабытын аһаран кэбиһэ-
рэ.
Биирдэ оскуолаҕа утары кэлэн: «Василий Егорович, сар-
сын субуота, миэхэ тиийиэҥ дуо?» — диэбитин: «Владимир
Куприяновичтыын атын сиргэ барыах буолбутум», — диэ-
битим. Кэнники билбитим, «Урал» мотоцикл атыыласпыт
эбит. Истэн баран: «Оччоҕо уруок кэннэ көрсүөхпүт», —
диэбитим. Учительскайга киирбиппэр, Реас Алексеевич мо-
тоциклын хайдах ыыппытын уонна уонча хонугу быһа тиэр-
гэн ортотугар оҥорбутун, сайыҥҥы күөстэнэр оһоҕун, хап-
таһын сарайдарын тоҕута көппүтүн, хата киһини дэҥнээбэ-
тэҕин кэпсии-ипсии олордо. «Эчи, муоһа-туйаҕа элбэҕэ, киһи
иҥнэҥнээтэҕин аайы тохтуон оннугар эбии түргээтээн иһэр
сэп эбит, хата кэнники өй булан, ааны астаран ууга түһэн
киһи эрэ буоллар, онно батыллан сөтөллөн-сөтөллөн баран
тохтоото. Дьэ мииммэтэх мииннин, атыылаатахпына сата-
ныыһы», — диэтэ. Мин соһуйдум да, бэркиһээтим да, ки-
һим дьээбэлэнэн кэпсиир дии санаатым. Кэнники хайа эрэ
айымньытыгар ону ахтыбыт, суруйбут этэ. Итинтэн да атын
араас бэһиэлэй кэпсээннэри кэпсиир этэ да, билигин умнан
кэбиспиппин. Кинилиин бииргэ сылдьарбар, айылҕатын олус
таптыырын, бултуурун, дьону-сэргэни кытта кутаа оттон, ол
тула олорон кэпсэтэрин олус таптыыр этэ. Мин аҕыйах да
сыл буоллар, саха биир биллиилээх суруйааччытын кытта
алтыһан ааспыт кэммин күндүтүк саныыбын.
186
