Page 196 - Өксөкүлээх Уола 2009 223стр

ок ааҕарбыт. Күҥҥэ ким үчүгэй сыананы ылбыт аҕабыт остуо-
лугар көһөрө. Онно ордук сырдык уонна аҕабыт атга буоллаҕа.
Аҕабыт спордунан, эти-хааны бөҕөргөтүүнэн бэйэтэ бэр-
кэ дьарыктанара, эгэ биһигини дьарыктаннарбат буолуо дуо.
Национальнай көрүҥнэргэ 1932 сыллаахха республикаҕа при-
зердаабытын буланнар 60 сааһыгар спорт маастарын аатын
иҥэрбиттэрэ. Илиитигэр, атаҕар лаппа кыахтаах этэ. Ийэ-
бит ахтарынан Өксөкүлээх алталыы бууттаах түөрт киһини
сүгэн баран, оһоҕу үстэ эргийэ оонньуура үһү дииллэрин
үтүктзн эмиэ итинник түөрт киһини сүгэн боруобаланан
көрөрө. Дьон кэпсээнинэн күөгэйэр күнүгэр кынаттаах кы-
лыыһыт Босиковка эрэ кыайтарар сурахтааҕа.
Дьээбэлэнэн тустан дьоҥҥо кыайтарбатаҕа дииллэр.
Сынньалаҥ кэмҥэ дьиэ ис-тас үлэтэ оҕолорго сүктэрил-
лэрэ. Ол быыһыгар аҕабыг хайаан да оонньуурбугун тэрий-
эрэ. Сахалыы остуол оонньуурун хабылыгы, хаамысканы,
мас ынаҕы, аты олус үчүгэйдик оҥороро. Бэйэтэ тэҥҥэ оон-
ньоһоро. Саахымакка кими да тулуппат этэ. Кэлин бары да
саахымакка ылларбьгппыт. Биһигини туой сырыһыннарара,
уолатгары туһуннарара. Итиннэ ордукЯсонтан астынара. Атос
кэлин хайыһарга сахалартан биир бастакы спорт маастарын
ылбытыгар олус да үөрбүтэ.
Аҕам оҕону ис сүрэҕиттэн таптыыра, киһи быһыытынан
убаастыыра, атаҕастыыр тылы туттубат, илиитэ барбат этэ.
Сөбүлээбэтин бэлиэтин кытаанахтык көрөн кэбиһэрэ, ол
биһиэхэҕэ улахан дьүүл этэ. Элбэх оҕоҕо сыыһа халты тут-
тууханна барыай. Оччоҕо «Сыыһа гыммыккын. Ону сарсыҥ-
ҥаанҥа диэри толкуйдаа уонна кэпсэтиэхпит», эбэтэр «Бу-
руйуҥ элбээн эрэр. Мунньан мунньан баран дьэ кэпсэ-
тиэхпит», — диэн чиҥ баҕайытык этэн кэбиһэрэ. Оо, ол
кэмҥэ муҥнанарбыт саҕа хара накаас суоҕа. Буруйгун уһаты-
туора толкуйдаан, араас эҥинэ тылынан кэмсинэн, бэйэҕин
букатын «бүппүт» курдук сананан сор да бөҕөтүн көрөр эти-
бит. Ол да буоллар буруйбут мунньуллубакка, сарсыҥҥыбыт
буолан дъүүллэммэккэ баччааҥҥа диэри кэллибит.
Бэйэбит ийэ-аҕа буолан олорон толкуйдаатахпытына ула-
хан да педагогическай прием эбит. Оҕо бэйэтин сыыһатын
бэйэтинэн анаалыстатан, бэйэтигэр бэйэтэ бириигэбэр та-
һаарара. Биһиги ону-маны өйдүүр буолуохпутуттан ыла
аҕабыт, түгэн көһүннэр эрэ, биһиэхэ араас остуоруйалары,
аан дойду сүдү классиктарын айымньыларын уһун киэһэни
быһа кэпсиирэ. Бары сыппыппытын кэннэ: «Остуоруйа бар-
даа», — диэн аҕам саҥата дуораһыйар. Дьэ уонна бэҕэһээ
киэһэ ханна тиийбиппитин санаһан салгыы айанныыбыт.
194