Page 62 - Оло5у таптаа Реас К

сөп. Биир алҕас сарылааһын барыларын тыыннары-
гар туруон сөп. Ол иһин ийэлэрэ үгүстүк буойбат,
саҥардыбат.
Арай биирдэ, сарсыарда күн кылахачыйа тахсан
эрдэҕинэ, ийэлэрэ үрэх үөһүгэр киирэн, таһа кыймаҥ-
нас үөннээх дулҕа курдук туох эрэ баҕайыны тыҥы-
раҕынан кыратык ойо тардан, тылын онно тирээн
турбута. Оҕолор ону дьиибэргээн одуулаһа олорбут-
тара. Сонно тута ийэлэрин тыла хап-хара гына үөнү-
нэн бүрүллүбүтэ. Онуоха ийэлэрэ «һэ-эх» диэн саҥа
аллайаат, ньалып гыннаран кэбиспитэ уонна ып-
ыраас буолбут тылын эмиэ даҕайбыта. Ону хаста да
хатылаабытын кэннэ, оҕолор салҕан, бэйэ-|бэйэлэрин
түҥнэритэ көтүһэ-көтүһэ, эккирэтиһэн бойбороҥноһон
барбыттара. Ол курдук хайа үрдүгэр тахсыбыттара
уонна тохтоон ону-маны одуулаан олооруҥнаһа,
көтөр-сүүрэр саҥатын иһиллэһэ олорбуттара. Ол
кэмҥэ эмискэ хайа арҕаһынан туйах тыаһа битигирии
түспүтэ. Оҕолор ол диэки көрбүттэрэ, күтүр улахан
кыыл киэҥ-киэҥник атыллаталаан, субу тамаралаан
кэлбитэ уонна оҕолортон уонча хаамыы сиргэ хорус
гына түспүтэ. Оҕолор: «Ийэбит куттанар кыыла бу
кэллэҕэ» диэн, толлон, сонно тута хаптас гыммыт-
тара. Кыыл олоотообута, хантаҥнаабыта, сытырҕаа-
быта уонна, дьөлө астарбыттыы, сир кырсын тоҕо
тэбэн туора ойбута да, оту-маһы үнтү көтөн, тыа
үөһүн диэтаи бачыгырыы турбута. Эһэ оҕолоро соһу-
йан эрэ хаалбыттара.
Итинтэн ыла бэрт аһылыктаах хайа сирэйин бул-
буттара. Эккирэтиһэ, туста оонньуохха сирин көнөтө,
өрө-таҥнары сырсарга киэҥэ-куоҥа олус сир. Оннук
үтүө дойдуга кэлбиттэрэ аҕыйах хоммутун кэннэ,
биир маннык түбэлтэ буолбута.
60