Page 65 - Оло5у таптаа Реас К

ҕа, тыас эмиэ дэлби ыстаммыта уонна убайа, түөһүн
гылыгар түһэттэрэн, тиэрэ баран түспүтэ. Тыас икки-
һин өрө хабыллыбыта, туох эрэ тигээйи курдук баҕа-
йы кини кулгааҕын тобулу үүттээн, ыарҕалары быһы-
та көтөн ааспыта. Онтон ыла икки атаҕар тура
сылдьар кыылы кини наһаа да абааһы көрөр!
Оо, ол сайын сордоммутун эрпэхсит. Хата сир аһа
үүнэн абыраабыта. Бастаан моонньоҕону, онтон хап-
таҕаһы, отону аһылыктаммыта. Кыһыныгар, ийэтэ
күһүн ыраастаары, былырыыҥҥы отун-маһын харай-
бакка хаалларбыт арҕаҕар киирэн кыстаабыта.
Аны кини бэйэтэ ийэ. Икки оҕо ийэтэ. Кыһалҕа,
түбүк-садьык диэтэҕиҥ. Биир күн арҕах иһигэр чал-
бах уута кулдьугуруу кутулунна. Эһэ ону бэрт сэр-
гэхтик иһнттэ. Оҕолорун салаамахтаан ылла. Иһил-
лээтэ. Уу-чуумпу. Туран арҕах бүө отун иһирдьэ
тардан ылла, ону кытта тэҥҥэ сырдык кутулла түстэ.
Оҕолоро онтон соһуйан арҕах түгэҕэр оимилиннилэр.
Эһэ бэйэтэ даҕаны, сырдыктан хараҕа саатан, кэнни-
нэн тэйдэ. Хараҕа сырдыкка үөрэммитин эрэ кэннэ,
арҕаҕын ааныгар быардыы түһэн сытан, ону-маны
одуулаһа-одуулаһа, ытыстан хаалбыт сыҥааҕын үөрэ-
тэн, дьааһыйбахтаан ылла.
Ийэ эһэ арҕаҕыттан быкпыта, сып-сырдык күн сүр
үчүгэйдик чэмэличчи көрөн турар э-бҥт. Хаар ууллан,
барбах, онно-манна куобах сэмнэҕин курдук, ыһыллан
туртарыһан көстөллөр. Дьэргэлгэн субуҥнуур, ирим-
дьирим оонньуур. Ханна эрэ ыраах тоҥсоҕой тору-
луур. Аттынааҕы үрүйэҕэ уу сүүрүгүн тьгаһа кулдьу-
ГУРУУР> кылдьыгырыыр, иэччэхтээн эрэр талахтар,
ойуурдар быыстарыгар чыычаахтар чыбыгыряһаллар.
Бары барыта ыллыыр, үөрэр күндү кэмэ эргийбит
эбит.
63