Page 79 - Оло5у таптаа Реас К

билсиһиибит да дьиибэ. Мин аҕабыыт кыыһыгар
үөрэммитим. Үөрэннэҕим үһүс сылыгар, биирдэ муҥ-
хаҕа сырыттым. Онно биир дьиэгэниччи көрбүт сэнэх
таҥастаах улахан уол, хас да бэйэтигэр дьүөрэ бөтөс-
төрү мунньан, атын уолаттары охсои-тэбэн ааһыта-
лыыллар. Хатыыскаҕа бастаабыт уолу түөрэ тэбэн ох-
тороллор уонна бары кини үрдүгэр куучалаһан суул-
лаллар. Онтон кыһыйдахтара буолуо, торбос үтүлүк-
гээх уолаттар, охсуһууга бэлэмнэнэн, сутуруктуу тута-
туталар, үтүлүктэрин ойбоҥҥо уган таһааран муус
килиэ оҥордулар. Кэннибэр киһи саҥата:
— Оһоллоох охсуһуу, илбистээх иирээн иннинэ
кытаҕы охсунан, түһэҕи хааннаан, Оһол Уола убай-
бытын оройунан көрдөрөн олохоччутуоҕуҥ, Илбис
Кыыһа эдьиийбитин иримчдьирим эккирэттэрэн, субай
хаанынан утахтыаҕыҥ, өһөх бөлүөҕүнэн үтэлиэҕиҥ,—
диэбитин истэммин, кутталбыттан куйахам күүрэн,
харахпын быһа симэн турдахпына, миигин түҥнэри
саайан түһэрдилэр. Мин онтон соһуйдум быһыылаах,
олоро түһэн, эргиллэн көрүүбэр, муннум «ньир» гыиа
түстэ да, хааным өрө ыһылынна.
— Тохтооҥ эрэ! Туох буруйдаах оҕону кырбыы-
гыт?— диэн, аны улахан киһи саҥата баргыйда. Мин
хараҕым кырыытынан көрөн аһарбытым, уолаттар
дьон быыһыгар түһүтэлээн эрэллэр. Били дьиэгэниччи
көрбүт уол соҕотоҕун хаалан, куттамматын көрдөрө
сатаабыттыы, ымаҥныы-ымаҥныы бэрт холкутук хаа-
ман бара турда. Оттон били киһи:
— Чэ, эр киһи маннааҕар буолуоҕу көрсүһүөҥ,
ытаама,— диэн ытаабакка турарбын көрө-көрө балы-
йан, таҥаһым хаарын тэбээтэ, муннум хаанын сотто.
— Эн бу хайаларын оҕотоҕун?.,.
77