Page 82 - Оло5у таптаа Реас К

ханна эрэ сирдьит оҥостон илдьэ барбыттар. Кини
ол барыытынан эргиллибэтэҕэ. Онтон сааһыары кы-
һын бандьыыттары кытта холбоһон, Дьокуускайга
ааспыт сураҕа иһиллибитэ.
Мин учууталлаан дуомнуур оскуолам сабыллы-
быта. Онно үрүҥнэр ыстааптаммыттара. Биирдэ мии-
гин ыҥыттаран ыланнар: «Ииппит, үөрэттэрбит аҕаҥ
Сэмэн Федорович биһиги диэки буолан, илиитигэр
саа тутан кыһыллары кырга сылдьар. Эн эмиэ биһи-
ги диэки буолуохтааххын. Биһиэхэ саа тутуохтаах-
хын»,— диэн хаайаллар. Сэмэҥҥэ бастаан онно кы-
һыйа санаабытым. Мин ол күнтэн ыла бултаабыта
буолан быыралаан, наар тыаҕа оылдьыбытым. Бан-
дьыыттары бастаан бэйэм эт харахпынан көрөн, кэ-
лин онтон-мантан истэн, кинилэр наһаа бысгах, туох
да солуута суох дьаабылананнар, дьон хаанын эрэ
тоҕо сылдьалларын билбитим. Күтүрдэр саалара-сэп-
тэрэ куһаҕана, куттаҕастара, дьалаата суох тылла-
ра-өстөрө, олоххо кымаах саҕа кыһалҕалара суоҕа
адьас киһи хараҕар тута быраҕыллаллара. Мин саа-
май кэлэйбитим баара: Кымахы диэн кыһыл барты-
һаан эмээхсинин тутан аҕаланнар өлөрөн кэбистилэр.
Дьэ бу кырдьаҕас муҥнааҕы тоҕо өлөрдүлэр? Онон
тугу оитистилэр? Аны бартыһаан Саабылыскайы
өһөөтөхтөрө аатыран, туох да буруйа суох кини бы-
рааттарын уонна биир киһини, араспаанньыйата Саа-
былыскайын эрэ иһин, ытыталаан кэбистилэр. Аны
үөрэхтээх дьадаҥы киһи оҕото, Лэгиэнтэйэп диэн ки-
һи, аймахтарын, кыра оҕолору, дьахталлары барыла-
рын өлөртөөтүлэр. Кими да ордорбокко имири эсти-
лэр. Ол аата бассабыык Лэгиэнтэйэби өһөөтөхтөрө
үһү. Итинтэн барытыттан сэдиптэнэн, бэйэм Сэмэм-
мэр таалым кырыыланна.
80