Page 90 - Оло5у таптаа Реас К

төөн кэбиспэттэр үһү дуо? Ону кэрэйиэхтэрэ ДЙЭТЭҔиҤ
дуу? Оттон мин Чөркөөххө тиийдэхпинэ хайыахтарай?
Бэркэ буоллаҕына, саата тут диэхтэрэ. Аккаастыам.
Ону кинилэр, ама, ытан кэбиһиэхтэрэ дуо? Хайа, ула-
хан тойонноро Ньукулай Дьөгүөрэбис үһү дии. Ама,
ыттардаҕай дии санаатым да, онтон ыла туох да са-
наата-оноото суох Чөркөөхтөөтүм. Тиийдим. Бакыат-
тарын Ньукулай Дьөгүөрэбискэ биэрдим. Киһим ула-
ханнык үөрбүт-көппүт курдук тутунна. Суругу ааҕан
баран, күлэн алларастаата: «Милицияны тутан аҕа-
лан сууттаабыккын дии! Дьэ, маладьыас киһигин! —
Тура эккирээн, санныбын таптайда.— Биһиэхэҕэ
оҥорбут үтүөҥ-өҥөҥ таах хаалыа суоҕа».— «Суох,
мин...»— диэн аккаастанан эрдэхпинэ, ситэ саҥарды-
бакка эрэ, быһа түһэн: «Чэ, ол эн бэйэҥ оҥорбут
өҥөҕүн оччо-бачча улахаҥҥа уурбат буолаҥҥын мэл-
дьэһэҕин. Ол гынан баран, биһиэхэҕэ кыра да туһа
улахан суолталаах. Ол иһин ээ, билигин Петров пол-
ковник эн оҥорбут үтүө быһыыгын олохтоохторго
киэҥник кэпсээн оҥостон, эн албан ааккын аартык-
аартык аайы атыыр оҕустуу лаҥкыначчы айаататан
эрэр үһү. Биһиэхэ холбоһор инигин? Итиччэ үчүгэй-
дик саҕалаабыт киһини этэрээт хамандыыра оҥоруо-
ҕум. Аҕаҥ оҕонньор, тыыннааҕа буоллар, үөрүөх этэ.
Биһиги бэйэбит олохпутун көмүскүөх тустаахпыт дии.
Чэ, бар. Толкуйдан. Сарсыарда манна кэлээр. Мии-
гиттэн суруктаах эрэ бардаххына табыллыаҕа. Онту-
ката суох буоллаххына, ханна баҕарар ытыллан хаа-
лыаххын сөп. Сэрии кэмэ»,— диэтэ тыйыстык.
Мин киниттэн тахсаммын, хас да сыллааҕыта би-
һигиттэн кэлэн бурдуктаһа сылдыыбыт, бэрт дьадаҥы,
Быайаа диэн хос ааттаах киһини ыйдаран, хоно бар-
дым. Атын билэр ыалым да суох. Киһим хотон курдук
88