Page 86 - Оло5у таптаа Реас К

бүн муҥнаттыҥ буолла? Эйигин мин кигэн ыыппытым
курдук, харахтаахтан кынчарыллан, тыллаахтан
үөҕүллэн, бар дьон сирэйин-хараҕын таба көрбөт буо-
лан олоробун,— дии-дии, ытаан, хараҕын уутун туора-
маары сотунна.
— Хайа оттон этэрбэһим?
— Этэрбэс суох. Итини кэтэн көр. Атаххар батара
ДУУ, суоҕа дуу.
Сэмэн таҥна охсон, миэхэҕэ хааман кэллэ:
— Өндөрөөй, Өндүрүүскээ, Өндөрөйчөөн, уһугун,
тур,— суорҕаммыттан тардьгала-ан ибирдэттэ. Саҥата
сымнаҕаһа сүр. Аҕа таптыыр оҕотун уһугуннарарын
курдук.
— Тыытыма ити оҕону. Сыттын. Утуйуо буоллар
утуйдун ээ. Тоҕо уһугуннара сатаатаххыный. Баҕар,
дьоҥҥо кэпсээн оҥостон, тыл-өс буола сылдьыаҕа.
Сурах бөҕөтө, уолуҥ хомсомуол буолбут уонна, саа
тутан, саллаат буолбут.
— Сөп буоллаҕа. Бэйэтин былааһыгар тоҕо туора
туруой. Киһи барыта, биһиги сор суоллаахтар курдук
сымыйаны, сы.ыһаны батыһыа дуо?— дии-дии, Сэмэн
төннөн тиийэн, олоппоһугар олордо. Мин ити тылтан
үөрэммин араччы тура сыстым. «Ээ, албына, сымыйа-
та»,— дии санааммын тутуннум.— Доҕоор, мин сор
суоллаах ханна умса түһэммин, көхсүбүттэн суор кө-
төрүн билбэппин. Аһаан бараммын барыам. Эбээн-
нэргэ түһэ сатыам. Онтон, былаас олоҕун буллаҕына,
аны биир уонча сылынан кэлэн киирэн биэриэм. Онуо-
хаҕа диэри бултаан аһыы аылдьыам. Дьэ «сүрэх ба-
ҕарбытын, сүһүөх кыайбат» диэн өс хоһооно баар дии.
Баҕар, эбээннэрбин кыайан булбакка сарыаҕым. Ол
дьону таба хааман булар саарбах. Онон, доҕоччуок,
бу биһиэнэ сайбарыын да кэпсэтиибит буоллаҕына
84